ක්‍රීඩකයින් මානසිකව වැටීම තුළින් ගොඩක් අයගේ ක්‍රීඩා දිවිය අඩපණවෙලා තියෙනවා – කුමාර් සංගක්කාර

0

ක්‍රීඩාවේ මානසික ඇද වැටීම් සම්බන්ධයෙන් විවෘතව කථා බහ කළ යුතු බවත්, ශ්‍රී ලංකා කණ්ඩායමේ හිටපු සුපිරි පිතිකරු කුමාර් සංගක්කාර පැවසීය. එසේ නොකිරීම තුළින් බොහෝ ක්‍රීඩකයින්ගේ ක්‍රිකට් දිවිය අඩපණ වී ඇති බවද ඔහු සඳහන් කලේය.  මානසික පීඩාව තුළින් සියදිවි නසා ගැනීම වැළැක්වීම සඳහා, නොමිලයේ ක්‍රියාත්මක වන 1333 සේවාව මගින් ප්‍රචලිත කිරීම සඳහා අද (29දා) ආරම්භ වන සුහද පාපැදි සවාරිය පිළිබද දැනුවත් කිරීමේ මාධ්‍ය හමුවේදී ඔහු මේ බව පැවසීය.

එහිදී වැඩිදුරටත් අදහස් දැක්වූ කුමාර් සංගක්කාර,

‘ගොඩක් ක්‍රීඩකයින් මානසිකව වැටීම තුළින් ගොඩක් අයගේ ක්‍රිකට් දිවිය අඩපණවෙලා, නැවතිලා තියෙනවා. ලංකාවේ මෙවැනි ප්‍රශ්න උග්‍ර වෙලා ක්‍රීඩකයින්ගේ ක්‍රිකට් දිවියට හානියක් වෙලා තියෙනවා. එහිදී අපි ඕව විවෘතව කථා කරන්න ආස නෑ. ඒවා අපේ දුර්වලතාවක් කියලයි හිතන්නේ. මේ ප්‍රශ්න යට ගහනකොට ඒවා උග්‍ර වෙනවා මිසක් ඈත් වෙන්නේ නෑ. මම දැකලා තියෙනවා විශේෂයෙන් ක්‍රිකට් ක්‍රීඩකයින් ක්‍රීඩාවෙන් සමු අරන් ගියාම ඔවුන් අතර සියදිවි නසා ගැනීමේ ප්‍රවණතාවන් ඇතිවෙලා තියෙනවා.’

යනුවෙන් පැවසීය.

LEAVE A REPLY

Please enter your comment!
Please enter your name here