සජබ දුවවන්නේ ලක්ෂමන් – ජලනි කල්ලිය, මන්ත්‍රීලා පයින් යන්න, ඡන්ද ගන්න රූකඩ විතරයි

අද පෙරවරුවේ පැවති සමගි ජනබලවේගය මන්ත්‍රී කණ්ඩායමේ රැස්වීම කාලගෝට්ටියකින් අවසන් කර ඇත. පක්ෂයේ සියළුම ක්‍රියාකාරකම් සහ වැඩසටහන් තීරණය කරනු ලබන්නේ ‘ලක්ෂමන් ෆොන්සේකා සහ ජලනි ප්‍රේමදාස’ ඇතුළු කණ්ඩායමක් විසින් බවත් පාර්ලිමේන්තු මන්ත්‍රීවරුන් පයින් යන්නත්, ඡන්ද රැස්කරන්නටත් ඉන්න රූකඩ පමණක් බවට පත්ව ඇතැයි පවසමින් රැස්වීම අතරතුර මන්ත්‍රීවරුන් කණ්ඩායම් නැගිට ගොස් ඇත.

රැස්වීම් ආරම්භයේ දීම පක්ෂ නායක සජිත් ප්‍රේමදාස විසින් රැස්වීම පැමිණ නොසිටි සරත් ෆොන්සේකා දැඩි විවේචනයකට ලක් කළේය. ‘මම අද ඒයාගේ මූනටම කියන්න හිටියේ. එයා ඊයේ හැසිරුණු හැටි වැරදියි. එයා නිසයි මේ ඔක්කොම ප්‍රශ්න යැයි පවසා ඇත.

නුවරඑළිය මන්ත්‍රී දිගම්බරම් විසින් රැස්වීම ආරම්භයේ දී ම, හරීන් ප්‍රනාන්දු සහ සරත් ෆොන්සේකා අතර ඊයේ ඇති වූ ගැටුම පිළිබඳ ප්‍රශ්න කර සිටියේය. ෆීල්ඩ් මාෂල් ෆොන්සේකාට විරුද්ධව දැඩි ප්‍රහාරයක් සජිත් විසින් එල්ල කළේ ඒ අනුවය.

රත්නපුර මන්ත්‍රී හේෂා විතානගේ පැවසූවේ ඉස්සර එජාපයේ කල්ලි තිබුණා කියලා නායකතුමාලා එකතුවෙලා මේ පක්ෂය හැදුවා. දැන් මේ පක්ෂය අපි පැත්තකට දාලා කල්ලියක් හදාගෙන ඉන්නවා. තරුණ සංවිධානයේ කථිකයෙක් නෑ. කතා කරන්න කවුරුවත්ම නැතිනම් මහලේකම් තුමාගේ ඡන්දය ඉල්ලන්න බලාගෙන ඉන්න දුවට හරි ඒම අවස්ථාව දෙන්න තිබුණා යැයි කිව්වේ සැමගේ සිනා හඩ මැද්දේ ය.

පක්ෂයේ පාර්ලිමේන්තු මන්ත්‍රීවරියන් දෙන්නෙක් ඉන්නවා. එක්කෙනෙකුට කතාවක් දෙන්න බැරිවුණා. මොනාද අපි කියන ප්‍රජාතන්ත්‍රවාදය. මන්ත්‍රීවරියෝ ඉදිද්දී කාන්තා සංවිධානය මෙහෙයවන්නේ ‘මැඩම්ගේ ක්ලබ් ඒකේ සෙට් ඒකක්’ දැන් පක්ෂයේ කාන්තා සංවිධානය නාකි සෙට් එකේ දරුවන්ගේ බූදලයක් කරලා. යැයි බදුල්ල මන්ත්‍රී චමින්ද විජේසිරි පවසා ඇත.

මාතලේ මන්ත්‍රී රෝහණී කවිරත්න පැවසූවේ මම විශ්වාස භංගයට අත්සන් කළේ නැති විදිහට ඩිජිටල් තිරයේ නම දැම්මා. මිනිස්සු වටවෙලා මගෙන් අහනවා ඇයි මැඩම් අත්සන් කළේ නැත්තේ කියලා. මේවා මොන විලිලැජ්ජා නැති වැඩද? මම විශ්වාස භංගය පෙන්නන්න කිව්වා. තවම ඒ්ක ලියාගන්න බැරිවෙලා තියෙනවා. අදටත් ඒකේ මොනවා තියෙනවාද කියලා දන්නේ නෑ. මමයි – චමින්ද විජේසිරි යි දෙන්නා අකුරක් ලියපු නැති විශ්වාස භංග කොළයට අත්සන් කළේ. පක්ෂය ඇතුලේ කල්ලි හදාගෙන ඊලඟ ඡන්ද කරන්න හදනවා.

රැස්වීමේ කල්ලි 43යකට කතා ලබාදීමත් රිෂාඩ් බදුර්දීන්, රවුෆ් හකීම්, මනෝ ගනේෂන්, දිගම්බරම්, ඇතුළු පක්ෂ නායකයින් කිසිවෙකුට කතා කිරීමට අවස්ථාවක් ලබා නොදීම පිළිබඳ දිගින් දිගටම පක්ෂ නායක්වයට චෝදනා එල්ල විය.

ගාලුමුවදොර රැස්වීමේ දී ත් පක්ෂ නායකයින්ට කතා දුන්නේ නෑ. මන්ත්‍රීවරු ජයප්‍රිය වෙනවට බයේ දේශපාලනය කරන්න පුලුන්ද? පක්ෂ හදන්න පුලුවන්ද? චමින්ද විජේසිරි ප්‍රශ්ණ කර ඇත.

ඉතා කළකරීමෙන් කතාකල පුත්තලම මන්ත්‍රී හෙක්ටර් අප්පුහාමි පැවසූවේ ‘මම දවස් පහට පෙළපාලියේ ගියා. මම මේ පක්ෂයේ වැඩ කෙරෙන හැටි හොඳට අවබෝධ කර ගත්තා. තේරුම් ගත්තා. බොහොම ස්තුතියි! අපිට වැරදුණා. කියාය.

43 සේනාංකයේ නායක චම්පික රණවක, පක්ෂයේ වැඩපිළිවෙල විවේචනය කරමින් පාගමනට මෙන්ම අද රැස්වීමට ද සහභාගි වී නැත.

අද පක්ෂය මෙහෙයවන්නේ කණ්ඩායමක්. ඒ අය ආණ්ඩුව රකින්න කටයුතු කරනවා. මේවා ලැජ්ජා නැති වැඩ. යැයි කියමින් පක්ෂයේ මන්ත්‍රීවරුන් 8 දෙනෙකු රැස්වීමෙන් පිටව ගොස් ඇත.

තත්ත්වය පාලනය කිරීමට ජ්‍යෙෂ්ඨ සාමාජිකයින් උත්සහ දැරූ නමුත් එය ව්‍යර්ත විය.

විපක්ෂයේන් ස්වාධීන වූ මන්ත්‍රීවරුන් කණ්ඩායමට එළිපිට චෝදනා කරමින් ඔවුන් විරසක කර ගත් බවත්, ආණ්ඩුව ගෙදර යවා අලුත් ආණ්ඩුවක් පත් කර රටේ ප්‍රශ්න විසඳීම වෙනුවට රාජපක්ෂවරුන් රැකීමට සජබ නායකයාත් ඔහුගේ හොඳම යාලුවා සහ මැඩම් උත්සහ කරන බවත් ඉවත්ව ගිය කණ්ඩායම පවසා ඇත.

පාර්ලිමේන්තුවේ කථික ලැයිස්තුව සකස් කිරීම සඳහා දැරූ උත්සාහයේ දී මන්ත්‍රීවරුන් පෙන්වා දි ඇත්තේ අපි කරන දේ ඉස්සර වෙලා තීරණය කරන්න ඹ්න. රූපවාහිනියේ ප්‍රවෘත්තිවල යන්න ගොන් පාට් දාලා වැඩක් නෑ. කතා කරන එක නොවෙයි, වැඩ කරන එකයි කරන්න ඹ්න.

අද උදේ මාධ්‍ය හමුවූ සරත් ෆොන්සේකා පැවසූවේ තමන් පක්ෂයේ දෙවැනියා බවත්, හරීන් ප්‍රනාන්දු කියන්නේ කතා කරන්න දන්නේ නැති කුණුහරුප කියන විකටයෙක් බවත් ය.

විධායක ජනාධිපති ධූරය සම්බන්දයෙන් වන ප්‍රතිපත්ති සම්බන්ධයෙන් ද, විකල්ප අගමැතිවරයෙකු පත් කර ජනාධිපතිවරයා ඉවත් කිරීම පිළිබඳව ද පක්ෂය තුල මත තුනක් පවතී.

- ඔබගේ මිතුරන්ටත් බලන්න Share කරන්න..

LEAVE A REPLY

Please enter your comment!
Please enter your name here