ජනප්රිය රූපවාහිනී නාලිකාවල සංගීත වැඩසටහන් ඇතුළු අනෙකුත් වැඩසටහන් මෙහෙය වන්නෙකුගේ බිරිඳ යැයි පැවසෙන කාන්තාවක් ඊයේ (05) උදෑසන ආගමන විගමන දෙපාර්තමේන්තු නිලධාරීන් විසින් අත්අඩංගුවට ගෙන කටුනායක ගුවන් තොටුපොළ පොලිසිය වෙත භාර දී තිබෙනවා.
මූල්ය වංචා පිළිබඳව කොළඹ කොටුව මහේස්ත්රාත් අධිකරණය විසින් පනවා තිබූ ගුවන් ගමන් තහනමක් මත මෙම අත්අඩංගුවට ගැනීම සිදු කළ බව පොලිසිය පවසනවා.
ඒ අනුව ඇය ඊයේ (05) උදෑසන 08.50 ට ඉන්දියාවේ නවදිල්ලි නුවර සිට ශ්රී ලන්කන් ගුවන් සේවයේ යූ.එල්.- 192 දරන ගුවන් යානයෙන් කටුනායක ගුවන් තොටුපොළ වෙත පැමිණමින් සිටියදී මෙම අත් අඩංගුවට ගැනීම සිදු කර තිබුණා.
37 හැවිරිදි කුරුණෑගල ප්රදේශයේ පදිංචි මෙම කාන්තාව වෛද්යවරියක බව යි පොලිසිය පවසන්නේ.
මේ වනවිට මෙම කාන්තාව කටුනායක ගුවන් තොටුපොළ පොලිසිය විසින් කොළඹ , කොල්ලුපිටිය පොලිසිය වෙත ඉදිරි අධිකරණ ක්රියාමාර්ග ගැනීම සදහා භාර දී ඇති බව සඳහන්.
