රට තුළ මතු වූ දැවැන්ත විරෝධතාව හමුවේ අගමැති ෂෙයික් හසීනා ඊයේ(05) අග්‍රාමාත්‍යධුරයෙන් ඉල්ලා අස් වූ අතර අද (06) බංගලාදේශ පාර්ලිමේන්තුව ද විසුරුවා හැර තිබෙනවා.
සිසුන් විසින් මෙහෙයවන විරෝධතාවල සංවිධායකයින් හමුදා නිලධාරීන් හමු වූ අතර තමන් මිලිටරි නායකත්වයෙන් යුත් රජයක් පිළි නොගන්නා බව අවධාරනය කළ බවයි වාර්තා වන්නේ.
ශිෂ්‍ය නායකයන්, දේශපාලනඥයන්, සිවිල් සමාජ සාමාජිකයන්, ජනාධිපතිවරයා සහ හමුදාපතිවරයා හමුවී අවසානයේ පාර්ලිමේන්තුව විසුරුවා හැරීමට තීරණය කළා.
ඒ මොහොතේම සිරගත වී පසුවන හිටපු අගමැතිනි සහ ප්‍රධාන විපක්ෂ නායිකා කලීඩා ෂියා (Khaleda Zia) නිදහස් කිරීමට ද නියෝග ලබා දී තිබුණා.
2018 වසරේදී දූෂණ චෝදනා සම්බන්ධයෙන් ඇය වරදකරු වූ අතර වසර 17ක සිර දඬුවමක් නියම කෙරුණා.
