ලෙබනනය පදනම් කරගත් සටන්කාමී කණ්ඩායමක් වන හිස්බුල්ලා සංවිධානය විසින් උතුරු ඊශ්‍රායලයට අද (අගෝස්තු 6) විශාල ඩ්‍රෝන ප්‍රහාර මාලාවක් එල්ල කළ බව ඊශ්‍රායල මාධ්‍ය වාර්තා කර තිබෙනවා.
ඩ්‍රෝන ප්‍රහාර කිහිපයක් ඊශ්‍රායලයේ ස්ථාන කිහිපයකට එල්ල වූ අතර ප්‍රහාරයෙන් අවම වශයෙන් හය දෙනෙකු තුවාල ලබා ඇති බව මාධ්‍ය වාර්තා පවසනවා.
රොයිටර් පුවත් සේවය වාර්තා කළේ එක් ඩ්‍රෝන ප්‍රහාරයක් නගරයෙන් පිටත ප්‍රධාන මාර්ගයක බස් නැවතුමක් ඉලක්ක කර ගත් බවයි.
තමන් උතුරු ඊශ්‍රායලයේ හමුදා කඳවුරු කිහිපයක් ඉලක්ක කර නමුත් සිවිල් වැසියන් සිටින ස්ථාන කිහිපයකට ප්‍රහාර එල්ල වී ඇති බවත් ඔවුන්ට බරපතල තුවාල සිදු වී ඇති බව හිස්බුල්ලා සංවිධානය පවසා තිබෙනවා.
ප්‍රහාරය එල්ල වූයේ ඊශ්‍රායලය පසු ගිය ජුලි 30 වැනිදා බේරූට් හිදී ජ්‍යෙෂ්ඨ හිස්බුල්ලා හමුදාපති ෆවුඩ් ෂුකර් ඝාතනය කිරීමෙන් පසු හා හමාස් ප්‍රධානි ඉස්මයිල් හනියේ ඉරානයේ දී ඝාතනය කිරීමෙන් අනතුරුව දෙපාර්ශවය අතර ආතතීන් උත්සන්න වෙමින් තිබියදීය.
