බියක් නැති රටක් පුනරුද යුගයක් බිහි කර ගැනීමට මේ රටේ සියලුම කාන්තාවන් නායකත්වය ගනු ඇති බවත් මාලිමාවේ ගැහැනුන්ගේ ජාතික සමුළුව අගෝස්තු 25 වැනිදා කොළඹදී පැවැත්වීමට සියලු කටයුතු සූදානම් කර ඇති බව ජාතික ජන බලවේගයේ ජාතික විධායක සභික, පාර්ලිමේන්තු මන්ත්රී ආචාර්ය හරිනි අමරසූරිය පවසනවා.
රටේ සියලුම ගැහැණුන් අනුර සමඟ සිට ගැනීමට සූදානම් වනු ඇති බව ඇය සඳහන් කළා.
“ගැහැනු අපි එක මිටට” කියන තේමා පාඨයෙන් විශාල දේශපාලනික සංවිධානය වීමක් සහ පිබිදීමක් ඇති වුණා.
“ඔවුන් නායකත්වය ගැනීම සඳහා පෙරට එමින් සිටිනවා. සැප්තැම්බර් 21 ඓතිහාසික තීන්දුවත් සමග මේ රටේ ගැහැනුන් අපේ සහෝදරියන් සංවිධානය කරමින් නායකත්වය ලබාදීම නිසා මහන්සි වී කැපවීමෙන් කටයුතු කර, ගැහැනු අපි නායකත්වය ගැනීමට බිය නැති පාලනයක් බිහිකර ගන්නා බව විශ්වාසයි. සහෝදරියන්, ගැහැනුන් තමන්ට අවශ්ය නායකත්වය ලබාගනිමින් ඉදිරි දින කිහිපය තුළ විශාල කාර්යභාරයක් සිදුකරන බව විශ්වාසයි” හරිනි අමරසූරිය වැඩිදුරටත් කියා සිටියා.
ඇය මේ බව පැවසුවේ ජාතික ජන බලවේගයේ කාන්තාවන්ගේ අද (08)පැවැත්වුණු මාධ්ය හමුව අතරතුරදීය
අසංවේදී රනිල් වික්රමසිංහලා ජනතාව මුලාකරන්න විවිධ දත්ත ඉදිරිපත් කරමින් සහ බොරු ප්රකාශ කරමින් සිටින නමුත් අද රටේ සිටින්නේ තව දුරටත් මුලා කළ හැකි පුරවැසියන් නොවන බව ද ඇය කියා සිටියා.
