තණමල්විල ප්‍රදේශයේ 16 හැවිරිදි දැරියක් සිය පාසලේ සිසුන් 22 දෙනෙකු අතින් දූෂණය වීම සම්බන්ධයෙන් පොලිසිය පරීක්ෂණ ආරම්භ කර තිබෙනවා.
මේ පිළිබඳ සැකකරුවන් කිහිප දෙනෙකුගෙන් හා දෙමාපියන්ගෙන් ප්‍රකාශ සටහන් කරගෙන ඇති බව පොලිසිය පවසනවා.
තමන් ඉගෙනුම ලබන පාසලේම පාසල් සිසුවෙකු සමඟ තමන් ප්‍රේම සම්බන්ධයක් ඇති කරගෙන සිටි බවත් පෙම්වතාගේ නිවසේ දී පෙම්වතා සහ තවත් සිසුන් කිහිප දෙනෙකු අතින් ඇය දූෂණයට ලක් වී ඇති බවයි මේ වන විට අනාවරණය වී ඇත්තේ.
එම සිද්ධියේ වීඩියෝ පටයක් පෙන්වමින් පසුව වරින් වර අවස්ථා ගණනකාව දී ඇය මෙම ඉරණමට මුහුණ දී ඇති බව පොලිසිය සඳහන් කළා.
මේ සඳහා පෙම්වතා බව පවසන සිසුවාද ඇතුළුව සිසුන් 21 දෙනෙකු සම්බන්ධ වී ඇති බව ද අනාවරණය වී තිබෙනවා.
