2024 ජනාධිපතිවරණය තුළ කෘතිම බුද්ධිය (AI) තාක්ෂණය විශාල ලෙස දුර්මත ප්‍රචාරය කිරීම සඳහා භාවිත විය හැකි බව පැෆ්රල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා සඳහන් කළා.
ඒ අනුව යම් කිසි අපේක්ෂකයකුගේ හැඩහුරුකම් සහ ඉරියව්වලින් සංලක්ෂිත AI අනුරුවක් නිර්මාණය වීමේ ඉඩකඩ පවතින බවත් ඒ ඔස්සේ අනෙකුත් අපේක්ෂකයින් පිළිබඳ අසත්‍ය ප්‍රකාශ සිදු කිරීමට ඉඩ ඇති බවයි ඔහු ප්‍රකාශ කළේ.
එමෙන්ම ප්‍රධාන අපේක්ෂකයකු අවසාන මොහොතේ ඉල්ලා අස්වෙන බවට ප්‍රකාශ වී සමාජය තුළ විශාල ව්‍යාකූලත්වයක් නිර්මාණය වීමේ ඉඩකඩක් පවතින බව ඔහු වැඩි දුරටත් කියා සිටියා.
ඔහු මේ බව පැවසුවේ මෙවර ජනාධිපතිවරණයේ නාම යෝජනා භාර දීමට සමගාමීව පැවති සජිවි රූපවාහිනි වැඩසටහනක් අතරතුරදීය.
