ජාතික ජන බලවේගයේ ජනාධිපතිවරණ අපේක්ෂක, ජනතා විමුක්ති පෙරමුණේ නායක අනුර කුමාර දිසානායක මහතාගේ ජනාධිපතිවරණ ප්රචාරණ ව්යාපාරයේ මංගල ජන රැලිය අද (17) පස්වරුවේ පැවැත්වීමට නියමිතව තිබෙනවා.
ඒ අනුව, ඒ මහතාගේ මංගල ජනරැලිය අද (17) පස්වරු 04.00 ට ආරම්භ වන්නේ දකුණු පළාතේ තංගල්ල පුරවරයෙනි.
එමෙන්ම අද දිනයේදී දකුණු පළාත ඉලක්ක කර තවත් ජන රැලි දෙකක් පැවැත්වීමට ද කටයුතු සූදානම් කර තිබෙනවා.
ඒ, පස්වරු 05.00 ට මාතරදී සහ පස්වරු 06.00 ට ගාල්ලේදී වශයෙනි.
“රට අනුරට – රුහුණ පෙරට” මැයෙන් පැවැත්වෙන මෙම ජන රැලි සඳහා ජාතික ජන බලවේගයේ පාර්ලිමේන්තු මන්ත්රීවරුන්, හිටපු පාර්ලිමේන්තු මන්ත්රීවරුන්, විධායක සභිකයින් සහ පාක්ෂිකයින් ඇතුළු විශාල පිරිසක් සහභාගී වීමට නියමිත ය.
