සමගි ජන බලවේගය පක්ෂයේ රත්නපුර දිස්ත්රික් පාර්ලිමේන්තු මන්ත්රී තලතා අතුකෝරාල මහත්මිය සිය මන්ත්රී ධුරයෙන් අද (21) ඉල්ලා අස් වී තිබෙනවා.
ඒ සම්බන්ධයෙන් අද පාර්ලිමේන්තුවේදී විශේෂ ප්රකාශයක් කරමින් පැවසූවේ පවතින ආර්ථික අර්බුදය හමුවේ තමාට තවදුරටත් මන්ත්රී ධුරය දැරිය නොහැකි බවයි.
එසේම තම සොහොයුරා වූ ගාමිණී අතුකෝරල මහතා මහලේකම් ධුරය දැරූ එක්සත් ජාතික පක්ෂය අද දෙකඩ වී ඇති බවත් එය තමාට දරාගැනීමට නොහැකි බැවින් මන්ත්රී ධුරයට අමතරව සජබ සාමාජිකත්වයෙන්ද ඉල්ලා අස්වන බව ද ඇය සඳහන් කළා.
දේශපාලනෙදි කොතෙක් ඉවත් ඉවසිය යුතුද යන්න ජේ.ආර්. ජයවර්ධන, රණසිංහ ප්රේමදාස මෙන්ම රනිල් වික්රමසිංහ මහතා ඔප්පු කර ඇතැයි ද ඇය එහිදී කියා සිටියා.
විපක්ෂ නායක සජිත් ප්රේමදාස මහතා සමගි ජන බලවේගය පිහිටුවීමට ගත් තීරණයට තමන් විරුද්ධ බවත් සජිත් ප්රේමදාස දේශපාලන වශයෙන් සියදිවි නසාගෙන ඇතැයිද ඇය වැඩි දුරටත් සඳහන් කළා.
