2022 සිට ඉන්දියාවේ සෑම විනාඩි 16 කට වරක් ස්ත්රී දූෂණයක් වාර්තා වන බව ජාතික අපරාධ වාර්තා කාර්යාංශය (NCRB) පෙන්වා දී තිබූ කාරණාවකි.
කොල්කටාහි RG Kar වෛද්ය විද්යාලයේ සහ රෝහලේ සේවය කළ 31හැවිරිදි වෛද්යවරියක් අතවරයට ලක් කර ඝාතනය කිරීමේ සිදුවීමෙන් පසු දින කිහිපය තුළ නැවතත් මේ පිළිබඳව විශාල කතිකාවක් නිර්මාණය වුණා.
නමුත් මෙම සිදුවීමේ සන්දර්භය තුළ තවත් කණගාටුදායක පැතිකඩක් අනාවරණය වී ඇති බව වාර්තාවක් පෙන්වා දී තිබෙනවා.
මෙම සිදුවීම අගෝස්තු 09 වැනි දා වාර්තා වූ දා සිට Google හි ඉහළම ප්රමාණයක් සොයා ඇත්තේ ඇගේ නම සහ නම සඳහන් කළ වීඩියෝ බව එම වාර්තාව පෙන්වා දුන්නා.
එය ඇගේ සිදුවීම පිළිබඳ තොරතුරු සෙවීමට එහා ගිය දෙයක් බවත් අසභ්ය වෙබ් අඩවිවල (Porn) පවා ඇයගේ අතවරයට අදාළ වීඩියෝ සොයා ඇතැයි වාර්තාව වැඩි දුරටත් සඳහන් කර තිබෙනවා.
මේ පිළිබඳ අදාළ වාර්තාවෙන් පසු WION පුවත් සේවය මඟින් කරනු ලැබූ විමර්ශනයකදී ද එය තහවුරු වූ බව ඔවුන් පවසනවා.
එහිදී හෙළි වූයේ වින්දිත වෛද්යවරියගේ නමට පසුව “වීඩියෝ”, “ස්ත්රී දූෂණ වීඩියෝ” වැනි යෙදුම් ඉන්දියාවේ විශේෂයෙන් පසුගිය දින හත තුළ ජනප්රියම සෙවුම් අතරට පත්ව ඇති බවයි.
