ඉදිරි ජනාධිපතිවරණයට තරඟ වදින අපේක්ෂකයන් තිස් නව දෙනා මැතිවරණ කොමිෂන් සභාවට ලබා දුන් වත්කම් හා බැරකම් ප්‍රකාශ අල්ලස් හෝ දූෂණ කොමිෂන් විමර්ශන සභාව විසින් ප‍්‍රසිද්ද කර තිබෙනවා.
ඒ අනුව අදාළ ප්‍රකාශවල හෙළි නොකළ යුතු බවට දන්වා ඇති තොරතුරු හැර අනෙක් තොරතුරු එම කොමිසමේ වෙබ් අඩවියේ පළ කර තිබුණා.
එම වාර්තාව අනුව අඩුම මාසික ආදායමක් ලබන ජනාධිපති අපේක්ෂකයා වත්මන් ජනාධිපති රනිල් වික්‍රමසිංහ මහතා වන අතර වැඩිම මාසික ආදායමක් ලබන අපේක්ෂකයා වන්නේ දිලිත් ජයවීරයි.
එහි දැක්වෙන ආකාරයට ප්‍රධාන අපේක්ෂකයන්ගේ වත්කම් මෙසේය.
රනිල් වික්‍රමසිංහ – වැටුප රුපියල්97,500
බෙන්ස් රථ දෙකක් සහ ජීප් රථයක්
සජිත් ප්‍රේමදාස – රුපියල් 295,681.14ක්
ඩබල් කැබ් රථ දෙකක් ප්‍රාඩෝ ජීප් රථයක්, බෙන්ස් මෝටර් රථයක් සහ ලෑන්ඩ් කෲෂර් ජීප් රථයක්
අනුර කුමාර දිසානායක – රුපියල් 202,517.34ක්
ඩබල් කැබ් රථයක්
නාමල් රාජපක්ෂ – රුපියල් 454,285
ටොයොටා ලෑන්ඩ් කෲෂර් ජීප් රථයක්
විජයදාස රාජපක්ෂ – වැටුප සහ දීමනා රුපියල් 280,000, ලෝටස් හෝල්ඩිං සමාගම් අධ්‍යක්ෂ ලෙස මාසික දීමනාවල එකතුව රුපියල් 1,345,000ක්
ටොයොටා v8 ජීප් රථයක්
ජනක රත්නායක – රුපියල් 2,50,000ක්
පෝර්ඩ් ජීප් රථයක් සහ බෙන්ස් මෝටර් රථයක්
සරත් ෆොන්සේකා – රුපියල් 54,285 සහ දීමනා 263,500
වාහනය ටොයොටා ලෑන්ඩ් කෲෂර් ජීප් රථය
රොෂාන් රණසිංහ – මන්ත්‍රී වැටුප රුපියල් 65,000, දීමනා රුපියල් 340,000 ව්‍යාපාරික වැටුප රුපියල් 500,000), ජපානයේ විදේශ වැටුප රුපියල් ලක්‍ෂ තිහ
වාහනය මස්ට්ටෑන්ග් මෝටර් රථය
දිලිත් ජයවීර – මාසික දීමනා 16,500,000
