ජර්මනියේ ප්‍රසංගයකට ප්‍රහාරයක්.. ඝාතකයා පැන යයි නගරයම භීතියෙන්..

බටහිර ජර්මනියේ සොලින්ගන් නගරයේ පැවති උත්සවයකදී සිදු කළ පිහි ඇනුමකින් පුද්ගලයින් තිදෙනෙකු මියගොස් තවත් සිව් දෙනෙකු බරපතල තුවාල ලබා ඇති බව වාර්තා වෙනවා.

සිකුරාදා එරට වේලාවෙන් රාත්‍රී 10 ට පමණ නාඳුනන පුද්ගලයෙකු විසින් මෙම පිහි ඇණුම සිදු කළ අතර අපරාධකරු තවම සොයා ගැනීමට පොලිසිය සමත් වී නැහැ.

ජර්මනියේ වඩාත්ම ජනාකීර්ණ හා නෙදර්ලන්තයට මායිම්ව පිහිටි නෝර්ත් රයින් වෙස්ට්පේලියා ප්‍රාන්තයේ සොලින්ගන් නගරයේ 650 වැනි සංවත්සරය නිමිත්තෙන් පැවති උත්සවයකදී මෙම ප්‍රහාරය එල්ල වී තිබෙනවා.

ජර්මනියේ මාරාන්තික පිහි ඇනුම් සහ වෙඩි තැබීම් සාපේක්ෂව දුර්ලභය.

“අපේ නගරයට ප්‍රහාරයක් එල්ල වීමෙන් මා කම්පනයට පත් වුණා. අපට අහිමි වූ අය ගැන සිතීම දරාගන්න බැරිවේදනාවක්.”සොලින්ගන් නගරාධිපති Tim-Oliver Kurzbach නිවේදනයක් නිකුත් කරමින් කියා සිටියා.

තවමත් තම ජීවිත වෙනුවෙන් සටන් කරන සියලු දෙනා වෙනුවෙන් මම යාච්ඤා කරනවා.

ප්‍රහාරය එල්ල වූයේ සජීවී සංගීත ප්‍රසංගයක් අතරතුරදීය.අපරාධකරු කොටු කර ගැනීමට මේ වන විටත් නගරය පුරා පුළුල් සෝදිසි කිරීම් සහ වැටලීම් සිදුකර ඇති බව පැවසෙනවා.

“විවිධත්වයේ සැණකෙළිය” නමින් නම් කර තිබූ එම උළෙල සිකුරාදා ආරම්භ වූ අතර එය නගරයේ 650 වැනි සංවත්සරය සැමරීම සඳහා සති අන්තයේ දීර්ඝ උත්සවයක් ලෙස එය සැලසුම්කර තිබුණා.

Latest News

More like this

ජනාධිපතිවරුන්ගේ හිමිකම් අහෝසි කිරීමේ පනත් කෙටුම්පත එයි

රජයේ ප්‍රතිපත්ති ප්‍රකාශනයේ සඳහන් කර ඇති පරිදි හිටපු ජනාධිපතිවරුන්ගේ...

දැවැන්ත වෙළඳ ගිවිසුමකින් ජපානය ට්‍රම්ප්ගේ තීරු බදු තීරණය රිවර්ස් කර ගනී

"දැවැන්ත" නව වෙළඳ ගිවිසුමකට අවතීර්ණ වීමෙන් අනතුරුව ආනයනික භාණ්ඩ...

අම්මා 12 හැවිරිදි දියණිය මුදලට විකුණලා..

සිය මව විසින් තමන්ව පිරිමි පුද්ගලයින් වෙත විකිණු බවට...

මම ආණ්ඩුවට කරපු උදව්වලට මට ලැබුණ ගෝල්ඩ් මෙඩ්ල් එක තමයි මේ… ජගත් විතාන

"අපි පාර්ලිමේන්තුවෙන් ඉන්නේ එක සහෝදරත්වයකින්. අපි දෙන්නම චූදිතයෝ කියලා...
error: Content is protected !!