පළාත් පාලන ආයතනවල මැතිවරණය හැකි ඉක්මනින් පැවැත්විය යුතු බවට ශ්රේෂ්ඨාධිකරණය ලබාදුන් නියෝගයට අනුව එය කළ හැක්කේ ජනාධිපතිවරණය අවසන් වීමෙන් පසුව පමණක් බව මැතිවරණ කොමිසම ප්රකාශ කර තිබෙනවා.
කොමිසමේ සභාපති ආර්.එම්.එල්. ඒ.රත්නායක කියා සිටියේ තමන් අනෙකුත් කොමසාරිස්වරුන් සමඟ එක්ව අධිකරණ තීන්දුව ලබන සතියේ පැවැත්වීමට නියමිත රැස්වීමේදී සලකා බැලීමට කටයුතු කරන බවයි.
මැතිවරණ කොමිෂන් සභාව සහ නීතිපතිවරයා සමඟ මුදල් අමාත්යවරයා ලෙස ජනාධිපති රනිල් වික්රමසිංහ මහතාගේ ක්රියා සහ අතපසුවීම් ඔවුන්ගේ අත්තනෝමතික සහ නීති විරෝධී හැසිරීම් හේතුවෙන් ව්යවස්ථාව යටතේ සහතික කර ඇති බවයි මූලික අයිතිවාසිකම් උල්ලංඝනය වී ඇති බව ශ්රේෂ්ඨාධිකරණය පසුගිය දා තීන්දුවක් ලබා දෙමින් ප්රකාශ කළා.
2023 පළාත් පාලන මැතිවරණය නියමිත පරිදි නොපැවැත්වීම හේතුවෙන් මූලික අයිතිවාසිකම් කඩ වූ බවට පාර්ශවයන් කිහිපයක් විසින් ගොනුකළ පෙත්සමක් සලකා බලමින් මෙම තීන්දුව ලබා දීම සිදු කෙරුණා.
මුදල් අමාත්යවරයා වන ජනාධිපතිවරයා, මැතිවරණ කොමිෂන් සභාව සහ නීතිපතිවරයා ආණ්ඩුක්රම ව්යවස්ථාවේ සහතික කර ඇති මූලික අයිතිවාසිකම් කඩ කර ඇති යි එම තීන්දුවෙන් ප්රකාශ වුණේ.
