ජනාධිපතිවරණය ජයග්‍රහණය කළ හැක්කේ කෑගැසීම්වලින් නොව ගෙයින් ගෙට යාමෙන් පමණක් බව ජනාධිපති රනිල් වික්‍රමසිංහ මහතා පවසා තිබෙනවා.
“දිනන්න ඕනද? එහෙනම් හෙට ඉඳලම ගෙයින් ගෙට යන්න.සමහරු කියනවා කොළ ඕනෙ කියලා.මට මතකයි අපි 77 පළවෙනි වටේ යද්දිත් කොළේ දුන්නෙ නෑ.මුලින් ගිහින් අඳුනගෙන ඡන්ද දායකයාව අඳුනගන්න.කරුණු හොයා ගත්තට පස්සෙ තමයි අපි කොළේ අරන් ගියේ ඡන්දෙට.ලෑස්තිද හෙට ඉඳන් වැඩේ කරන්න.සිලින්ඩරෙත් අරගෙන යන්න ඕන නම් ප්‍රශ්ණයක් නැහැ.බයිසිකලයක් උඩ දාලා තල්ලු කරගෙන යන්න.
ශ්‍රී ලාංකිකයෙක් හැටියට රට බේරගන්න තමා ජනාධිපති ධුරය භාරගත් බව ද ඔහු කියා සිටියා.
“මං ඒක භාරගත්තේ මං දැක්කා ඔබ සේරම ගෑස් පෝළිමේ ඉන්නවා.පෙට්‍රල් පෝලිමේ ඉන්නවා.ඒක නොකෙරුව නම් මහ පාපයක්.ඒ පාපය තමයි සජබය කළේ.ඒ පාපය තමයි ජනතා විමුක්ති පෙරමුණ කළේ.
ජනාධිපතිවරයා මේ බව පැවසුවේ එක්සත් ජාතික පක්ෂ මූලස්ථානයේ ඊයේ (25)පැවති විශේෂ සම්මේලනයේ දීය.
