ජනසවිය, සමෘද්ධිය, අස්වැසුම හා ගැමි දිරිය වැඩසටහන් වල අඩුපාඩු තුරන් කර හොඳ ගුණාංග එකතුකර දුප්පත්කම තුරන් කිරීමේ නව වැඩසටහනක් ක්රියාත්මක කරන බව සමඟ ජන සන්ධානයේ ජනාධිපති අපේක්ෂක විපක්ෂ නායක සජිත් ප්රේමදාස මහතා පවසනවා.
ඒ අනුව කාන්තාවන්ට මුල් තැන දෙමින් මාසෙට රුපියල් 20,000 බැගින් ලබා දී මාස 24කින් දුප්පත් කම තුරන් කරන නව වැඩසටහනක් ක්රියාත්මක කරන බව ඔහු සඳහන් කළා.
විපක්ෂ නායකවරයා මේ බව සඳහන් කළේ සේරුවිල පැවැති ජනරැළියක් අමතමිනි.
ලෝකයේ බොහෝ රටවල් කෙටි කාලයක් තුළ දුප්පත්කමින් මුදවා ගත් බංගලාදේශයේ ග්රාමීන් බැංකු සංකල්පය වැනි සංකල්පයකට එය සමාන බව ඔහු කියා සිටියා.
එම සංකල්පය පිළිබඳ වැඩිදුරටත් පවසමින්,ගෘහයේ සියලු ක්රියාදාම විධිමත් හා ශක්තිමත් හා විනයවත්ව ක්රියාත්මක කරන්නේ කාන්තාව බැවින් ඇය මූලික කරගෙන රුපියල් 20,000 සහනය දෙන බවයි ප්රේමදාස මහතා ප්රකාශ කළේ.
