ගාසා හි භූගත උමං මාර්ගයක මිය ගොස් සිටි ප්රාණ ඇපකරුවන් හයදෙනෙකුගේ සිරුරු සොයා ගත් බව ඊශ්රායල ආරක්ෂක අංශ පසුගිය දා නිවේදනය කළා.
ඊශ්රායල හමුදා ආරංචි මාර්ග සඳහන් කරන ආකාරයට මෙම ප්රාණ ඇපකරුවන් අමානුෂික ලෙස ඝාතනය වී තිබුණේ ඊශ්රායල ගලවා ගැනීමේ හමුදාව එම ස්ථානයට පැමිණීමට පැය කිහිපයක් ඉතුරු වී තිබියදීය.
මියගිය ප්රාණ ඇපකරුවන් හය දෙනා වන්නේ Carmel Gat, Hersh Goldberg-Polin, Eden Yerushalmi, Alexander Lobanov, Almog Sarusi සහ Ori Danino ය.
මේ අතර ඇමරිකා එක්සත් ජනපදය අනාවරණය කර ඇත්තේ මියගිය ප්රාණ ඇපකරුවන්ගෙන් එක් අයෙකු ඊශ්රායල-ඇමරිකානු පුරවැසියෙකු වන Hersh Goldberg-Polin බවයි.
ජනාධිපති ජෝ බයිඩන් ධවල මන්දිරයේ දී ප්රකාශයක් කරමින් 23 හැවිරිදි Hersh ඔක්තෝබර් 7 වන දින ඊශ්රායලයේ පැවති සංගීත උළෙලට සහභාගී වූ “අහිංසකයන්ගෙන්” කෙනෙකු බවයි සඳහන් කළේ.
ඔහුට යන්තම් 23 ක් වූ අතර ලෝකය වටා සංචාරය කිරීමට කැමැත්තෙන් සිටි බව බයිඩන් පැවසුවා.
කෙසේ වෙතත් මෙම ඝාතනයන් පිළිබඳ ප්රකාශයක් සිදු කරමින් හමාස් සංවිධානය පවසා ඇත්තේ මෙම ප්රාණ ඇපකරුවන් සටන් විරාම ගිවිසුමක් ඇති වුවහොත් නිදහස් කිරීමට “අනුමත කර” සිටි අය අතරින් කිහිප දෙනෙකු බවයි.
