සමගි ජන බලවේග නායක සජිත් ප්රේමදාස ජනාධිපති වීම සඳහා අවශ්ය ඡන්ද ලක්ෂ හැත්තෑව මේ වන විට සම්පූර්ණ කර ඇති බවත් ඒ අනුව සජිත් ප්රේමදාස මහතා ලබාගන්නා ඡන්ද සංඛ්යාව ලක්ෂ හැත්තෑවද ඉක්මවන නිසා එම ගණන සිතාගැනීමට නොහැකි බව එස්.එම් මරික්කාර් මහතා පවසනවා.
දකුණ, නැඟෙනහිර, කඳුකරය මෙන්ම මේ වන විට උතුරේ ජනතාවගේ සහායද සජිත් ප්රේමදාස මහතාට ලැබී ඇති බවයි ඔහු සඳහන් කළේ.
එම නිසා රනිල් වික්රමසිංහ මහතාට ඡන්දය ලබාදීමට බලා සිටි අයටද සජිත් ප්රේමදාස මහතාට ඡන්දය ලබා දෙන්නැයි ඔහු ඉල්ලා සිටියා.
ඔහු මේ බව සඳහන් කළේ කොලොන්නාව ප්රදේශයේදී පැවති මහජන හමුවක් අවසානයේ මාධ්ය අමතමිනි.
