රාජ්ය ව්යවසාය (SOE) තවදුරටත් රටට, ආර්ථිකයට, බදු ගෙවන්නන්ට සහ ජනතාවට බරක් විය නොහැකි බව සමගි ජන බලවේගයේ ජනාධිපති අපේක්ෂක සජිත් ප්රේමදාස මහතා අවධාරණය කර තිබෙනවා.
සමගි ජන බලවේගයේ Blueprint 3.0 එළිදැක්වීම සැප්තැම්බර් 04 වැනි දින ITC රත්නදීප, සංගම් බෝල්රූම් හිදී පැවැත්වුණු අතර එහි ප්රධාන කථිකයා ලෙස විපක්ෂ නායක සජිත් ප්රේමදාස මහතා මේ බව ප්රකාශ කළා.
රාජ්ය ව්යවසාය ප්රතිසංස්කරණ තමන් ක්රියාත්මක කිරීමට බලාපොරොත්තු වන පරිවර්තනීය ආර්ථික ප්රතිපත්තිවලට අත්යවශ්ය බව ඔහු මෙහිදී කියා සිටියා.
“රාජ්ය ව්යවසායන් තනි තනිව සලකා බැලිය යුතු බව අපි විශ්වාස කරනවා.දැනට ලාභ ලබන අය ලාභය වැඩි කර ගැනීමට ක්රමවේදයන් ඇති බවට සහතික විය යුතුයි. පාඩු ලබන ව්යවසායන් වෙත නිශ්චිත ඉලක්ක ලබා දී රටට බරක් නොවන ආකාරයට සිංගප්පුරුවේ TEMASEK ආකෘතිය භාවිත කළ යුතු බව ඔහු පෙන්වා දුන්නා.
ආචාර්ය හර්ෂ ද සිල්වා, එරාන් වික්රමරත්න සහ කබීර් හෂීම් යන මහත්වරු කථිකයන් ලෙස මෙම අවස්ථාවට එක් වූ අතර එහිදී සමගි ජන බලවේගයේ ශ්රී ලංකාව ගොඩනැගීම පිළිබඳ දැක්ම පැහැදිලි කෙරුණු අතර, සමගි ජන බලවේගයේ Economic Blueprint ආර්ථික සැලැස්ම සහ සජිත් ප්රේමදාස මහතාගේ ජනාධිපති ප්රතිපත්ති ප්රකාශයද එළිදැක්වීම ද සිදු කෙරුණා.
