ජනාධිපති අපේක්ෂක නාමල් රාජපක්ෂ මහතාගේ බිරිඳ වන ලිමිණි රාජපක්ෂ හා ඇයගේ පියා වන තිලක් විරසිංහ දිවයිනෙන් පිටත්ව යාමට නියමිත බවට තොරතුරු වාර්තා වනවා.
ඔවුන් අද (22) දිනයේ 3.30 ඩුබායි රාජ්‍ය බලා පිටත්වයන එමිරේට්ස් ගුවන් යානයෙන් පිටත්වන බවයි සඳහන් වන්නේ.
ලිමිණිගේ මව සහ දරුවන් දෙදෙනා දිවයිනෙන් පිටත්ව ගිය බව ඊයේ (21) වාර්තා වුණා.
ලිමිණි රාජපක්ෂ ඊයේ නාමල් රාජපක්ෂ මහතා සමඟ ඡන්දය ලබා දීමේ කටයුතුවලට ද සහභාගී වුණා.
මෙරට ප්‍රබල දේශපාලන පවුලක් වන රාජපක්ෂ පවුලේ හිටපු ජනාධිපති ගෝඨාභය රාජපක්ෂ හා බැසිල් රාජපක්ෂ යන අය ද පසුගිය දින කිහිපයේ රට හැර යාමට කටයුතු කර තිබුණා.
බැසිල් රාජපක්ෂ මහතා ඩුබායි සිට ඇමරිකාව බලා පිටත්ව යනු ඇති බවත් නාමල්ගේ දරුවන් දෙදෙනා රැගත් බිරිඳගේ මවගේ ගමනාන්තය ද ඇමරිකාව බවයි වාර්තා වුණේ.
