2024 ජනාධිපතිවරණයේ ඡන්ද ප්‍රතිඵලය අනුව මේ වන විට ලක්ෂ 13 ක ඡන්ද පරතරයකින් අනුර කුමාර දිසානායක මහතා ඉදිරියෙන් සිටින බැවින් ඔහුගේ ජයග්‍රහණය ස්ථිර බව ජාතික ජන බලවේගයේ විධායක සභික විජිත හේරත් මහතා පවසනවා.
මේ වන විට දෙවැනි මනාප ගණන් කීරිමක් සිදුවන්නේ 50% ප්‍රතිශතය වෙත කිසිදු අපේක්ෂයකුට නොලැබීම මත මැතිවරණ නීතිවලට අනුකූලව පමණක් බව ඔහු සඳහන් කලා.
කෙසේ වෙතත් දෙවැනි සහ තෙවැනි මනාප ලබා දීම සිදුව ඇත්තේ ඉතාම අඩු ප්‍රමාණයකින් බැවින් එය කිසිසේත් ලක්ෂ 13 ක ඉලක්කය පසු කිරීමට ප්‍රමාණවත් නොවන බවයි ඔහු කියා සිටියේ.
එබැවින් දෙවැනි හා තෙවැනි මනාප ගණන් කළත් කිසිවකුට අනුර කුමාර දිසානායක මහතා පරාජය කළ නොහැකි අතර අනුර කුමාර දිසානායක මහතා විශාල පරතරයකින් ජයග්‍රහණය කර ඇති බව ඒ මහතා අවධාරණ කළා.
කිසිදු ආකාරයකින් කලබල නොවන ලෙසත් තවත් පැය දෙක තුනක් ඇතුළත් මැතිවරණ කොමිසම නිල සමස්ත ප්‍රතිඵලය නිකුත් කරනු ඇති බව ඔහු වැඩිදුරටත් කියා සිටියා.
