ජනාධිපති අනුර කුමාර දිසානායක මහතා පාර්ලිමේන්තුව කල්තියා විසුරුවා හැරීමත් සමග නවක මන්ත්රීවරුන් සහ මන්ත්රීවරියන් 85 දෙනෙකුට විශ්රාම වැටුප් අහිමි වූ බව පාර්ලිමේන්තු ආරංචි මාර්ග සඳහන් කරනවා.
මන්ත්රීවරයෙකුට විශ්රාම වැටුප හිමි වීමට නම් පාර්ලිමේන්තුවේ වසර පහක මුළු නිල කාලයම සම්පූර්ණ කළ යුතුය.
නව වැනි පාර්ලිමේන්තුවේ නිල කාලයේ සාමාන්ය පරිදි අවසන් වීමට නියමිතව තිබුණේ ලබන වසරේ අගෝස්තු මස 8 වැනිදාය.
මෙසේ විශ්රාම වැටුප අහිමි වූ මන්ත්රීවරු අසූ පස් දෙනාට විපක්ෂය මෙන්ම ආණ්ඩු පක්ෂයේ මන්ත්රීවරු ද ඇතුළත් වෙනවා.
පාර්ලිමේන්තු මන්ත්රීවරුන්ට විශ්රාම වැටුම හිමිවන්නේ 1977 අංක 1 දරණ මන්ත්රී විශ්රාම වැටුප් පනතේ විධිවිධාන අනුවයි.
වසර පහ සම්පූර්ණ කරන මන්ත්රීවරයෙකුට මන්ත්රී වැටුපෙන් තුනෙන් එකක මුදලක් විශ්රාම වැටුපක් ලෙස හිමි වෙයි.
වසර දහයක් සම්පූර්ණ කරන මන්ත්රීවරයෙකුට හිමිවන්නේ මන්ත්රී වැටුපෙන් තුනෙන් දෙකක මුදලක විශ්රාම වැටුපකි.
මේ අතර මන්ත්රීවරුන්ට හිමිව තිබූ මන්ත්රී වැඩුව සහ අනෙකුත් වරප්රසාද සියල්ල ද පාර්ලිමේන්තුව විසුරුවා හැරීමත් සමඟ අහෝසි වී තිබෙනවා.
