අලි සබ්රි රහීම් පාර්ලිමේන්තුවෙන් නෙරපීමට යෝජනාවක්..

නීතිවිරෝධී රත්‍රං සහ ජංගම දුරකථන සමඟ කටුනායක ගුවන් තොටුපළේදී රේගු අත්අඩංගුවට ගත් පාර්ලිමේන්තු මන්ත්‍රී අලි සබ්රි රහීම් මහතා පාර්ලිමේන්තුවෙන් නෙරපීම සම්බන්ධයෙන් යෝජනාවක් පක්ෂ නායක රැස්වීමේදී සාකච්ඡා වූ බව වාර්තා වේ.

එහිදී රහීම් මන්ත්‍රීවරයා සම්බන්ධයෙන් මතුව ඇති ප්‍රශ්නය පිළිබඳව සාකච්ඡා වූ අතර, සියලු මන්ත්‍රීවරුන් අපකීර්තියට පත් කළ බවට විශ්වාස කරන අතර මන්ත්‍රීවරයාට එරෙහිව පියවර ගැනීමට තීරණය කළ බවයි පක්ෂ නායක රැස්වීමට පැමිණි මන්ත්‍රීවරුන් මාධ්‍යවේදීන් හමුවේ කියා සිටියේ.

“රහීම් මන්ත්‍රීවරයාට එරෙහිව ක්‍රියාමාර්ග ගත යුතු බවට පක්ෂ නායකයන් තීරණය කළ අතර හිටපු කථානායක චමල් රාජපක්ෂ මහතා මන්ත්‍රීවරයා නෙරපා හැරිය හැකි බවට මතයේ සිටියා. ඒ නිසා අපි තීරණය කළා රහීම් මන්ත්‍රීවරයාට විරුද්ධව ක්‍රියාමාර්ගයක් ගන්න කියලා කතානායකවරයාගෙන් ඉල්ලීමක් කරන්න යෝජනාවක් ගේන්න ඕන කියලා.” යැයි පක්ෂ නායක රැස්වීමට සහභාගි වූ මන්ත්‍රීවරයෙක් පැවසීය.

“මන්ත‍්‍රී රහීම්ට එරෙහිව ක‍්‍රියාමාර්ග ගත යුතු බවත් ඔහු නෙරපා හැරිය යුතු බවත් තීරණය කළා,” ආණ්ඩු පක්ෂයේ මන්ත‍්‍රීවරයෙක් පැවසීය.

හිටපු පාර්ලිමේන්තු මන්ත්‍රී අනුර ඩැනියෙල් මහතා දිවංගත ජනාධිපති ජේ.ආර්.ජයවර්ධන මහතාගේ කාලයේ බලයෙන් පහ කළ ආකාරයටම දූෂණ චෝදනා මත මන්ත්‍රීවරයකු ද නෙරපා හැරීමේ පූර්වාදර්ශයක් තිබෙන බව මන්ත්‍රීවරු පවසති.

Latest News

More like this

මීළඟ පොලිස්පති කවුද?

පොලිස්පති දේශබන්දු තෙන්නකෝන් මහතා ධුරයෙන් ඉවත් කිරීමට නියමිත බැවින්...

පාසල් වේලාව පැය භාගයකින් දීර්ඝ කළේ මේ නිසා.. අගමැතිනිය ගෙන් පැහැදිලි කිරීමක්

නව අධ්‍යාපන ප්‍රතිසංස්කරණ යටතේ පාසල් වේලාව විනාඩි තිහකින් දීර්ඝ...

දේශබන්දු වරදකරු වේ..

පොලිස්පති දේශබන්දු තෙන්නකෝන් මහතා ඔහුට එරෙහිව එල්ල වූ චෝදනාවලට...

නව අගවිනිසුරු ලෙස ප්‍රීති පද්මන් සූරසේන නම් කරයි

ශ්‍රේෂ්ඨාධිකරණ විනිසුරු ප්‍රීති පද්මන් සූරසේන මහතා මීළඟ අගවිනිසුරුවරයා ලෙස...
error: Content is protected !!