විදේශ දූත මණ්ඩලවල සහ කාර්ය මණ්ඩලවල දේශපාලන පත්වීම් සම්බන්ධයෙන් සමාලෝචනය කරමින් සිටින බව විදේශ ඇමැති විජිත හේරත් මහතා පවසා තිබෙනවා.
අනතුරුව ඒ පිළිබඳව විධිමත් ලෙස කටයුතු කිරීමට සූදානම් බව මාධ්‍ය කළ විමසීමකට පිළිතුරු දෙමින් විදේශ අමාත්‍යවරයා කියා සිටියා.
තානාපතිවරුන් සහ මහා කොමසාරිස්වරුන් ඉවත්කිරීම හදිසියේ නොකරන බව පවසා ඇති ඇමතිවරයා, සියලුදෙනාගේ නාමලේඛනයක් සකස් කර දෙන ලෙස අමාත්‍යාංශ නිලධාරීන්ට දන්වා ඇති බවද සඳහන් කර තිබෙනවා.
තානාපතිවරුන් සහ මහකොමසාරිස්වරුන් හදිසියේ ඉවත්කිරීමෙන් එම සේවයට බාධා සිදුවීමට ඉඩ ඇති හෙයින් ක්‍රමානුකූලව කටයුතු කිරීමට සිදුවන බවයි ඔහු වැඩි දුරටත් පවසා ඇත්තේ.
