ඊශ්‍රායලයේ අඛණ්ඩ ගුවන් ප්‍රහාර හේතුවෙන් දැනටමත් ලෙබනනයේ මිලියනයකට අධික ජනතාවකට සිය නිවෙස්වලින් ඉවත් වීමට සිදු වී ඇති බව එරට අගමැති නජීබ් මිකාටි පවසනවා.
එය රටේ ඉතිහාසයේ විශාලතම අවතැන් රැල්ල සනිටුහන් කර ඇති බවයි ඔහු පවසන්නේ.
ලෙබනනයේ සෞඛ්‍ය අමාත්‍යාංශය ඉරිදා ප්‍රහාරවලින් පුද්ගලයන් 50 කට වැඩි පිරිසක් මිය ගිය බව වාර්තා කළා.
ඊශ්‍රායලය විසින් බේරූට්හිදී හිස්බුල්ලා නායක හසන් නසරල්ලා ඝාතනය කර දින දෙකකට පසුව පසුව මෙම තත්ත්වය වාර්තා වන අතර හිස්බුල්ලා සංවිධානය ද උතුරු ඊශ්‍රායලයට තවත් රොකට් ප්‍රහාර එල්ල කළ බවයි වාර්තා වන්නේ.
ඊශ්‍රායල ප්‍රහාරවලින් හිස්බුල්ලා නායක හසන් නසරල්ලා පසුගිය සිකුරාදා (27) ඝාතනය වූ අතර ලෙබනන රජය අද (30) සිට දින තුනක ජාතික ශෝක කාලයක් ප්‍රකාශයට පත් කර තිබෙනවා.
