‘ගෑස් සිලින්ඩරය’ ලකුණ 2024 පැවැත්වීමට නියමිත මහ මැතිවරණයේ දී දේශපාලන පක්ෂයක් හෝ සන්ධානයක් වෙත ලබා දීමට විරුද්ධත්වය ප්රකාශ කරමින් ජන අරගලයේ පුරවැසියෝ සංවිධානය මැතිවරණ කොමිසම වෙත ලිපියක් යොමු කර තිබෙනවා.
එම ලිපිය යොමු කරමින් එම සංවිධානය පවසන්නේ පැවැත්වීමට නියමිත 2023 පළාත් පාලන මැතිවරණය සඳහා කළුතර දිස්ත්රික් ස්වාධීන කණ්ඩායමක් වන ඔවුන් වෙත ගෑස් සිලින්ඩර ලකුණ ලබා දීමට මැතිවරණ කොමිෂන් සභාවේ නිල අනුමැතිය ලැබී ඇති බවයි.
2024 පාර්ලිමේන්තු මැතිවරණයට ස්වාධීනව කළුතර දිස්ත්රික්කයට තරග කරන අතර ඔවුන් 2023 පළාත් පාලන මැතිවරණය සඳහා ලබා ගත් ගෑස් සිලින්ඩරය ලකුණ දේශපාලන පක්ෂයක් හෝ අලුතින් පිහිටුවන සන්ධානයක් මඟින් භාවිත කිරීමට උත්සහයක් පවතින බැවින් එය නතර කරන ලෙස එම ලිපියෙන් ඉල්ලා තිබෙනවා.
පසුගිය ජනාධිපතිවරණයේ දී එම ලකුණ ජනාධිපති අපේක්ෂක රනිල් වික්රමසිංහ මහතා වෙත ලබා දීම තුළ ස්වාධීන කණ්ඩායමක් ලෙස දැඩි අපහසුතාවට හා ජනතාව තුල වූ විශ්වාසයට බරපතල හානියක් වූ බව ඔවුන් පෙන්වා දී තිබෙනවා.
එබැවින් ගෑස් සිලින්ඩරයක් වෙනත් පාර්ශවයකට ලබා දීමට දැඩි විරෝධතාව ප්රකාශ කරන බවයි එම සංවිධානය වැඩිදුරටත් එම ලිපියෙන් දැනුම් දී ඇත්තේ.
එක්සත් ජාතික පක්ෂයේ නායක රනිල් වික්රමසිංහ මහතා මෙවර ජනාධිපතිවරණයේ දී ස්වාධීන අපේක්ෂයකු ලෙස ගෑස් සිලින්ඩරය ලකුණින් තරග වැදුණු අතර මේ වන එම පක්ෂය විට මහ මැතිවරණයට ඉදිරිපත් වීමට ද එම ලකුණ යෝජනා වී තිබෙනවා.
