රාජපක්ෂ පාලන සමයේ දී පැහැර ගෙන ගොස් බරපතල පහර දීමට ලක්කළ ගවේෂණාත්මක මාධ්යවේදී පෝද්දල ජයන්ත මහතා එක්සත් ජනපදයේ සිට යළි මෙරටට පැමිණ තිබෙනවා.
ඔහුගේ මාධ්ය ජීවිතයට රජයෙන් එල්ල වූ දැඩි බලපෑම් හමුවේ එක්සත් ජනපදයට පිටත්ව ගිය ඔහු දිගු කාලයක් එහි ජීවත් වුණා.
වාර්තා වන අන්දමට ඔහු යලිත් වතාවක් සිය මෙහෙවර ‘සිළුමිණ’ පුවත් පත හරහා ඉටු කරන බවයි කියන්නේ. මේ ඉරිදා එනම් 6 වෙනිදා ‘සිළුමිණ’ ට සිය දායකත්වය දෙමින් ඔහු සිය මාධ්ය කටයුතු අරඹන බවයි පැවසෙන්නේ.
ජීවිත ආරක්ෂාව සඳහා බොහෝ දෙනාගේ පෙළඹවීම මත රටින් පිටව ගිය පෝද්දල ජයන්ත මහතා ඉන් පසුව එක්සත් ජනපදයේ සිට මෙරට සම්බන්ධව විවිධ අනාවරණයන් සහිත තොරතුරු අනාවරණය කර සිටියේ සිය FB ගිණුම හරහා යි.
මෙරට මෙන්ම බොහෝ විදෙස් මාධ්යද ඔහුගේ එම සටහන් යලි උපුටා පළකර තිබුණා.
