කොළඹ ප්රධාන පෙළේ ජාත්යන්තර පාසලක සිසුවියක් අද (07) පස්වරුවේ නෙළුම් කුළුණේ නැරඹුම් මැදිරියෙන් වැටී මිය ගිය බව පොලිසිය පවසනවා.
එම තට්ටුවේ තිබී පාවහන් යුගලයක් සහ පාසල් බෑගයක් සොයාගත් බවයි පොලිසිය වැඩිදුරටත් සඳහන් කළේ.
කොළඹ නෙළුම් කුළුණ කළමනාකරණ සමාගම (පුද්ගලික) ආයතනය තහවුරු කළේ CCTV දර්ශනවලට අනුව දැරිය කුළුණේ 29 වැනි මහලෙන් පැන ඇති බවයි.
මුලික විමර්ශනවලට අනුව එය සියදිවි නසා ගැනීමක් බවට සැක කරන බවයි පොලිසිය පවසන්නේ.
ජීවිතක්ෂයට පත් වූ දැරිය වයස අවුරුදු 18 ත් 20 ත් අතර වයසේ පසුවන්නෙකු බවට විශ්වාස කෙරේ. ඇය ගේ සිරුර තුන්වන මහලෙන් හමු වූ බව පොලිසිය වැඩිදුරටත් පවසනවා.
මේ අතර නෙළුම් කුළුණේ මෙහෙයුම් සාමාන්ය පරිදි සිදුවන බවයි එහි කළමනාකාරීත්වය සඳහන් කළේ.
