විසර්ජන පනත් කෙටුම්පත අද පාර්ලිමේන්තුවට

2025 මුදල් වර්ෂයේ සේවා වියදම් සඳහා විධිවිධාන සැලසීම සඳහා වූ විසර්ජන පනත් කෙටුම්පත පළමුවර කියවීම සඳහා අද(09) පාර්ලිමේන්තුවට ඉදිරිපත් කිරීමට නියමිතය.

පාර්ලිමේන්තුවේ සන්නිවේදන දෙපාර්තමේන්තුව පැවසුවේ, ඒ අනුව මේ වසර සඳහා වන විසර්ජන පනත් කෙටුම්පත දෙවනවර කියවීම හෙවත් අයවැය කතාව ලබන මස 17 වැනි දා සිදු කිරීමට නියමිත බවයි.

අයවැය දෙවැනිවර කියවීමේ විවාදය ලබන මස 18 වැනි දා සිට 25 දක්වා දින 7ක් පැවැත්වීමට නියමිත බව ද වාර්තා වෙනවා.

අද පෙරවරු 9.30ට කතානායකවරායගේ ප්‍රධානත්වයෙන් පාර්ලිමේන්තුව රැස්වීමට නියමිතයි.