රුසියානු – යුක්‍රේන යුද්ධය අවසන් කිරීම සඳහා රුසියානු ජනාධිපති ව්ලැඩිමීර් පුටින් හා එක්සත් ජනපද ජනාධිපති ඩොනල්ඩ් ට්‍රම්ප් අතර තීරණාත්මක දුරකථන සංවාදය හෙට (18) පැවැත්වීමට නියමිතය.
ඇමරිකානු ජනාධිපති ඩොනල්ඩ් ට්‍රම්ප් ඉරිදා සවස ෆ්ලොරිඩාවේ සිට වොෂින්ටන් බලා පියාසර කරමින් සිටියදී මේ බව වාර්තාකරුවන් වෙත තහවුරු කර තියෙනවා.
“සති අන්තයේ ගොඩක් වැඩ ඉවර කළා. යුද්ධය අවසන් කරන්න පුළුවන්ද කියලා බලන්න ඕන” ඔහු එහිදී පැවසූ බව සඳහන්ය.
වසර තුනකට අධික කාලයක් පැවති යුද්ධය අවසන් කිරීමේදී විශාල කාර්යභාරයක් ඉටු කරන “ඉඩම් සහ බලාගාර” ප්‍රධාන සාකච්ඡා මාතෘකා වනු ඇති බව එක්සත් ජනපද ජනාධිපතිවරයා වැඩිදුරටත් පවසා තිබෙනවා. ට්‍රම්ප් එය විස්තර කර ඇත්තේ වත්කම් බෙදාගැනීමක් ලෙසටය.
කෙසේ වෙතත් යුක්‍රේන ජනාධිපති ව්ලොදිමීර් සෙලෙන්ස්කි ඉඩම් අත්හැරීමේ අදහස නිරන්තරයෙන් ප්‍රතික්ෂේප කරනු ලැබ තියෙනවා.
