අනිවාර්ය නිවාඩු යවා සිටින පොලිස්පති දේශබන්දු තෙන්නකෝන් මහතාගේ අතුරුගිරිය හෝකන්දර නිවසේ තිබී විස්කි බෝතල් 120ක් සොයා ගත් බව අතුරුගිරිය පොලිසිය පවසනවා.
අපරාධ පරීක්ෂණ දෙපාර්තමේන්තුවේ නිලධාරීන් ඊයේ (18) මෙම නිවස පරීක්ෂා කළ අවස්ථාවේ මෙම විස්කි බෝතල් 120 සොයාගත් බවයි ආරංචි මාර්ග පවසන්නේ.
මේ අතර සෝදිසි කිරීමේ වරෙන්තුවක් නැතිව අපරාධ පරීක්ෂණ දෙපාර්තමේන්තුවේ නිලධාරීන් පැමිණ තම නිවස පරීක්ෂා කරන ලදැයි චෝදනා කරමින් දේශබන්දු තෙන්නකෝන් මහතාගේ බිරිඳ අතුරුගිරිය පොලිසියට පැමිණිල්ලක් ද සිදු කර තියෙනවා.
අපරාධ පරීක්ෂණ දෙපාර්තමේන්තුවේ යැයි කියූ පිරිස තම නිවසට පැමිණ නිවස සෝදිසි කිරීමට අවශ්‍ය බව පැවසූ අවස්ථාවේ ඒ සඳහා අධිකරණයෙන් සෝදිසි කිරීමේ නියෝගයක් තිබෙනවාදැයි තමා විමසූ අවස්ථාවේ එම නියෝගය නොපෙන්වා බලහත්කාරයෙන් තම නිවස සෝදිසි කිරීමට කටයුතු කළ බව ඇයගේ පැමිණිල්ලේ සඳහන් ය.
මේ අතර අපරාධ පරීක්ෂණ දෙපාර්තමේන්තුවේ යැයි කියාගත් නිලධාරීන් ඊයේ (18)උදෑසන 9.30ට පමණ නිවෙසට පැමිණ පැය තුනකට වැඩි කාලයක් නිවෙස සෝදිසි කිරීම කළ බවත් එම පැමිණිල්ලේ සඳහන් වෙනවා.
