දින කිහිපයක් තුළ සිදුවූ මාරාන්තික රිය අනතුරු කිහිපය සැලකිල්ලට ගනිමින් විශේෂයෙන් දුර ගමන් සේවා බස් රථ අනතුරු දිනෙන් දින ඉහළ යාම හේතුවෙන් එම බස් රථ විමර්ශනය කිරීමට අවධානය යොමු වී තිබෙනවා.
මේ අනුව දුරගමන් සේවා බස්රථ විශේෂ පරීක්ෂාවට ලක්කරන ලෙස වැඩබලන පොලිස්පතිවරයා විසින් සියලුම පොලිස් ස්ථානාධිපතිවරුන් ඇතුළු උසස් පොලිස් නිලධාරීන්ට උපදෙස් ලබාදි ඇති බවයි වාර්තා වන්නේ.
රාත්රී කාලයේදී දුරගමන් සේවා බස් රථ විශේෂ පරීක්ෂාවට ලක්කර බීමත්ව රිය ධාවනය, මත්ද්රව්ය භාවිතා කර රිය ධාවනය, අපරික්ෂාකාරී හා අන්තරාදායක ලෙස රිය ධාවනය යන රථවාහන වැරදි සම්බන්ධයෙන් නීතිය ක්රියාත්මක කරන ලෙස වැඩබලන පොලිස්පතිවරයා විසින් අදාළ නිලධාරින්ට උපදෙස් ලබාදී ඇති බව සඳහන්.
මේ අනුව ඉදිරි කාල සීමාවේදී රාත්රී කාලයේ දී නිලධාරි කණ්ඩායම් යොදවා මාර්ගයේ ධාවනය වන රථවාහන සහ බස්රථ විශේෂ පරීක්ෂාවට ලක් කිරීමට උපදෙස් ලබා දී තිබෙනවා.
ඒ ඒ පොලිස් කොට්ඨාශවලට අයත් සුදුසු ස්ථානවලදී එම විමර්ශනයන් සිදු කිරීමට නියමිතයි.
පොලීසියේ යතුරුපැදි සංචාර ඒකකවල නිලධාරීන් මඟින් මාර්ගයේ අපරික්ෂාකාරී ලෙස රිය ධාවනය කරන බස්රථ පරීක්ෂාවට ලක්කර නීතිය ක්රියාත්මක කිරීමටද වැඩබලන පොලිස්පති ප්රියන්ත වීරසූරිය උපදෙස් ලබාදී ඇති බව පොලිස් මාධ්ය කොට්ඨාසය සඳහන් කරනවා.
