ජාතික ජන බලවේගයේ ප්‍රබලයෙකුට කොළඹින් නිවසක් සොයන බව යූ ටියුබ් මාධ්‍ය ඔස්සේ අනාවරණය කරන ලද්දකි.
එම ප්‍රබලයා දැනට පැලවත්ත ජනතා විමුක්ති පෙරමුණේ මූලස්ථානයේ හතරවැනි තට්ටුව තමන්ගේ ස්ථාවර නවාතැන වශයෙන් පවත්වාගෙන යන වත්මන් ජනාධිපති අනුර කුමාර දිසානායක මහතා බව ජනතා විමුක්ති පෙරමුණේ හිටපු සාමාජික සහ මේ වන විට සමගි ජන බලවේගයේ ආසන සංවිධායකවරයෙකු වශයෙන් කටයුතු කරන වරුණ රාජපක්ෂ මහතා යූ ටියුබ් අවකාශයේ අනාවරණය කර තිබෙනවා.
රාජ්‍ය නායකයාගේ නවාතැන ඔහුගේ ආරක්ෂාවට සෘජුව සම්බන්ධ කාරණාවක් වන බැවින් ඔහු ඒ සම්බන්ධ ආරක්ෂක ප්‍රොටෝකෝලවලට අවනත විය යුතු බවයි ඔහු පෙන්වා දෙන්නේ. දැනට ජනාධිපතිවරයා ජනාධිපති කාර්යාලයේ සහ පැලවත්ත පක්ෂ මූලස්ථානයේ නවාතැන් ගැනීම ඔහුගේ ආරක්ෂාව සම්බන්ධයෙන් පවතින බරපතල තත්ත්වයකි.
ජනාධිපතිවරයා විසින් ජනාධිපති මන්දිරය දැනටමත් ප්‍රතික්ෂේප කිරීම නිසා සුදුසු විකල්පයක් සෙවීමට සිදුව ඇතත් රාජ්‍ය නායකයාගේ ආරක්ෂාව රාජ්‍යයේ වගකීමක් යන්නෙන් බැහැර විය නොහැකි බව ඔහු පවසනවා.
දේශපාලන මති මතාන්තර කුමන ආකාරයෙන් පැවතියත් ජනාධිපතිවරයා ඔහුගේ ආරක්ෂාව සහතික කරනු ලබන ස්ථානයක සිටීම කිසිවිටකත් ප්‍රතික්ෂේප කළ නොහැකි බව ඔහු සමාජ මාධ්‍ය ඔස්සේ වැඩි දුරටත් පවසා තිබෙනවා.
