ජනාධිපති කාර්යාලය සතු වාහන ටෙන්ඩර් ක්රමයට විකිණීම සම්බන්ධව සමාජ මාධ්ය ඔස්සේ පළවන වාර්තා සම්බන්ධව ජනාධිපති මාධ්ය අංශය නිවේදනයක් නිකුත් කර තිබෙනවා.
ඉකුත් මැයි 15 වැනිදා ජනාධිපති කාර්යාලය විසින් වාහන ටෙන්ඩර් ක්රමයට නිකුත් කිරීමේ දෙවැනි අදියර සම්බන්ධයෙන් මාධ්ය ඔස්සේ පළවන පුවත් සත්යතාවයෙන් තොර බවයි එහි දැක්වෙන්නේ.
ඒ අනුව මේ සම්බන්ධයෙන් අපරාධ පරීක්ෂණ දෙපාර්තමේන්තුව වෙත පැමිණිල්ලක් කරනු ලැබූ බව එම නිවේදනයේ දැක්වෙනවා.
ජනාධිපති මාධ්ය අංශය පවසන්නේ, මෙලෙස ටෙන්ඩර් ක්රමයට විකිණීමේදී රජයේ විවෘත ටෙන්ඩර් පටිපාටිය අනුගමනය කර ඇති අතර 2025-04-23 වන දින නියමිත පටිපාටියට අනුව පුවත්පත් නිවේදන මගින් ටෙන්ඩර් කැඳවීම ප්රසිද්ධියට පත් කරනු ලැබ තිබූ බවයි.
ඒ වෙනුවෙන් මුදල් ගෙවා ටෙන්ඩර් අයදුම්පත් ලබාගත් අයදුම්කරුවන් 108 දෙනෙකු ටෙන්ඩර් පත් කැඳවීම අවසන් වූ 2025-05-15 දිනට තමන්ගේ මිල ගණන් ඉදිරිපත් කළ බව සඳහන්ය.
එදින පෙ.ව 11.00ට ටෙන්ඩර් පත් විවෘත කර ටෙන්ඩර් ක්රමයට වාහන අලෙවි කිරීම සිදු කරන ලද්දේ නියමිත පටිපාටිය අනුව බවද එම නිවේදනයේ වැඩිදුරටත් සඳහන් වෙනවා.
එහිදී රජයේ තක්සේරු වටිනාකම ඉක්මවා ඉහළම මිල ගණන් ඉදිරිපත් කරන ලද ටෙන්ඩර් අයදුම්කරුවන්ට වාහන අලෙවි කිරීමට කටයතු කරන ලද බවත් ඇතැම් වාහන සඳහා රජයේ තක්සේරුව ඉක්මවා මිල ගණන් ඉදිරිපත් නොවූ බැවින්, අලෙවි කරන ලද්දේ ඉදිරිපත් කරන ලද වාහන 26න් 17ක් පමණක් බවත් ජනාධිපති මාධ්ය අංශය පෙන්වා දෙනවා.
