හිටපු කෘෂිකර්ම අමාත්‍ය මහින්දා නන්ද අලුත්ගමගේ ලබන 26 වැනිදා දක්වා රක්ෂිත බන්ධනාගාර ගත කර තිබෙනවා.
ඉකුත් රජය සමයේ චීන සමාගමකින් හානිකර බැක්ටීරියා සහ රෝග කාරක වලින් දූෂිත වූ කාබනික පොහොර තොගයක් ආනයනය කිරීමේ සිදුවීම සම්බන්ධයෙන් සැකපිට හිටපු කෘෂිකර්ම අමාත්‍ය මහින්දා නන්ද අලුත්ගමගේ මහතා අත් අඩංගුවට ගෙන අධිකරණයට ඉදිරිපත් කරන ලෙස කොළඹ ප්‍රධාන මහේස්ත්‍රාත් අධිකරණය වරෙන්තුවක් නිකුත් කර තිබුණා.
පොහොර නැව ගෙන්වීමෙන් ඔහු රජයට රුපියල් මිලියන 13 කට අධික පාඩුවක් සිදු කළ බවට චෝදනා එල්ල වෙනවා.
එම වරෙන්තුවට අදාළව ඔහු අත් අඩංගුවට ගැනීමට පොලිසිය මෙහෙයුම් ආරම්භ කරනු ලැබූ අතර ඔහු සැඟවී සිටි බවයි වාර්තා වුණේ.
අද (19)ඔහු කොළඹ ප්‍රධාන මහේස්ත්‍රාත් අධිකරණයට ඉදිරිපත් වූ අවස්ථාවේ මෙම තීන්දුව ලබා දී තිබෙනවා.
