ලිංගිකව සම්ප්‍රේෂණය වන ගොනෝරියා ආසාදනය සඳහා ලොව ප්‍රථම එන්නත එංගලන්තයේ ජාතික සෞඛ්‍ය සේවය (NHS) විසින් සොයා ගෙන තිබෙනවා.
එහෙත් මෙය ආරම්භයේදී සෑම කෙනෙකුටම ලබා ගත නොහැකිය. එය මුලදී බහු ලිංගික සහකරුවන් හෝ ලිංගාශ්‍රිත රෝග පිළිබඳ ඉතිහාසයක් ඇති සමලිංගික සහ ද්විලිංගික පිරිමින් කෙරෙහි ප්‍රධාන වශයෙන් අවධානය යොමු කරනු ඇති බවයි වාර්තා වන්නේ.
එන්නතේ ඵලදායිතාවය රඳ පවතින්නේ 30%ත් 40% ත් අතර අගයකයි. නමුත් එංගලන්ත ජාතික සෞඛ්‍ය සේවා ආයතනය මෙමඟින් උත්සහ ගන්නේ ඉහළ යන ආසාධිතයන් අවම කර ගැනීමටයි.
1918 දී වාර්තා ආරම්භ වූ දා සිට එංගලන්තයෙන් ඉහළම රෝගීන් සංඛ්‍යාව වාර්තා වුණේ 2023 වසරේදීය. එම වසරේ ගොනෝරියා රෝගීන් 85,000ක් වාර්තා වුණා.
ගොනෝරියා සෑම විටම රෝග ලක්ෂණ නොපෙන්වයි. නමුත් වේදනාව, අසාමාන්‍ය ශ්‍රාවයන්, ලිංගික අවයවවල දැවිල්ල සහ වඳභාවය වැනි තත්ත්වයන් ඇති විය හැකිය.
ප්‍රතිශක්තිකරණ එන්නත සඳහා කොපමණ ප්‍රමාණයක් තෝරාගන්නේ ද යන්න එංගලන්ත සෞඛ්‍ය අංශ මෙතෙක් හෙළි කර නැහැ. නමුත් ලන්ඩනයේ ඉම්පීරියල් කොලේජ් හි අනුමානවලට අනුව මෙම එන්නත ජනප්‍රිය වුවහොත් එය රෝගීන් 100,000 ක් දක්වා අඩු වනු ඇති බව පෙන්වා දෙනවා. ඉදිරි දශකය තුළ එමඟින් ජාතික සෞඛ්‍ය සේවයට පවුම් මිලියන 8 කට ආසන්න මුදලක් ඉතිරි කර ගත හැකි බව ඔවුන් පෙන්වා දී තිබෙනවා.
