යුක්රේනය සහ රුසියාව අතර වසර තුනක යුද්ධයේ විශාලතම ප්රහාරය සෙනසුරාදා රාත්රියේ සිට ඉරිදා උදෑසන දක්වා එක රැයකින් දියත් කිරීමෙන් පසු ඇමරිකානු ජනාධිපති ඩොනල්ඩ් ට්රම්ප් පුටින් පිළිබඳ දක්වා ඇති අදහස එයයි.
“ව්ලැදිමීර් පුටින් මුළුමනින්ම පිස්සු වැටිලා… මම ඔහු කරන දේ ගැන සතුටු නැහැ.”
“පුටින් සමඟ මට සැමවිටම ඉතා හොඳ සම්බන්ධතාවයක් තිබුණා. නමුත් ඔහුට යම් කිසි දෙයක් සිදුව තිබෙනවා. ඔහු සම්පූර්ණයෙන්ම පිස්සු වැටිලා. ඔහු අනවශ්ය ලෙස බොහෝ දෙනෙකු මරා දමමින් සිටිනවා. මම සොල්දාදුවන් ගැන පමණක් නෙවෙයි කතා කරන්නේ. කිසිදු හේතුවක් නොමැතිව යුක්රේනයේ නගරවලට මිසයිල සහ ඩ්රෝන ප්රහාර එල්ල කරමින් ඉන්නවා.”
එමෙන්ම ව්ලොදිමීර් සෙලෙන්ස්කිට ද තරවටු කරමින් ඔහු කතා කරන හැම වචනයක්ම අවාසියට හේතුවක් බව ද ට්රම්ප් පෙන්වා දී තිබෙනවා.
පසු ගිය සෙනසුරාදා ඉරිදා දින දෙකෙහි යුක්රේනය පුරා සිදු වූ ප්රහාරවලින් අවම වශයෙන් පුද්ගලයින් 12 දෙනෙකු මිය ගිය අතර ළමුන් ද ඇතුළුව තවත් දුසිම් ගණනක් තුවාල ලැබූ බවයි වාර්තා වන්නේ. රුසියාව යුක්රේනයේ ස්ථාන 22ක් ඉලක්ක කරමින් බෝම්බ ප්රහාර එල්ල කළේ සටන් විරාම ගිවිසුමක් පිළිගැනීමට ජ්යාන්තර පීඩනයක් එල්ලවන මධ්යයේය.
