විශේෂිත ආර්ථික මධ්යස්ථාන කළමනාකරණය කිරීම පිණිස සීමිත වගකීම් සමාගමක් සංස්ථාගත කිරීමට කැබිනට් අනුමැතිය ලැබී තිබෙනවා.
මේ වන විට රට තුළ විශේෂිත ආර්ථික මධ්යස්ථාන 18ක් රටපුරා ක්රියාත්මක අතර ගොවිපොළ හෝ කෘෂි කාර්මික නිෂ්පාදන විකිණීම, මිල දී ගැනීම, ගබඩා කිරීම සහ බෙදා හැරීම සඳහා අවශ්ය වෙළෙඳපොළ යටිතල පහසුකම් සැපයීම
ඒවායින් සිදු වෙනවා.
වවුනියාව, කිලිනොච්චිය, යාපනය සහ මඩකලපුව හැර අනෙකුත් ආර්ථික මධ්යස්ථාන 14 දැනට ක්රියාත්මකව පවතී
මෙම විශේෂිත ආර්ථික මධ්යස්ථාන කළමනාකරණය 2006.01.10 දිනැති අමාත්ය මණ්ඩල තීරණය පරිදි අදාළ දිස්ත්රික්කයේ දිස්ත්රික් ලේකම්/දිසාපතිගේ ප්රධානත්වයෙන් රාජ්ය ආයතන සහ වෙළෙඳ සංගම් වල නිල බලයෙන් පත් වන සාමාජිකයින්ගෙන් සමන්විත කළමනාකරණ භාරයක් මඟින් සිදු කරනු ලබනවා.
ආර්ථික මධ්යස්ථාන වල ව්යාපාරික ක්රියාකාරකම් සාර්ථකව සහ තිරසරව සිදු කිරීම සඳහා මධ්යගත, නෛතික ව පිළිගත හැකි සහ වගවීම සහිත ආයතනික සැකැස්මක් ස්ථාපිත කිරීමේ අවශ්යතාව ද හඳුනාගෙන තිබෙනවා.
ඒ අනුව, විශේෂිත ආර්ථික මධ්යස්ථාන සංවර්ධනය කිරීම, පුළුල් කිරීම සහ කළමනාකරණය කිරීම සඳහා සීමිත වගකීම් සමාගමක් ස්ථාපිත කිරීම පිණිස වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්යවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කර ඇති බවයි වාර්තා වන්නේ.
