එක්සත් ජනපදයේ අධ්‍යාපනය ලැබීමට අයදුම් කරන සියලුම විදේශීය සිසුන් සමාජ මාධ්‍ය පරීක්ෂා කිරීමට එරට රජය තීරණය කර තිබෙනවා.
රාජ්‍ය ලේකම් මාර්කෝ රුබියෝ විසින් අත්සන් කරන ලද කේබල් පණිවිඩයකට අනුව එවැනි ශිෂ්‍ය වීසා අයදුම් කරුවන් සඳහා නව ශිෂ්‍ය වීසා සම්මුඛ පරීක්ෂණ නතර කිරීමට පවා නියෝග නිකුත් කර අවසන්ය.
ඉදිරියේදී වීසා අයදුම්පත් සමග සමාජ මාධ්‍යද පරීක්ෂාව සිදු කිරීම ද ඒ අනුව සිදුවනු ඇති.
මෙම ක්‍රියාවලිය තුළ ඇමරිකාවේ ශිෂ්‍ය වීසා සැලසුම් ක්‍රියාවලිය දැඩි ලෙස මන්දගාමීවනු ඇති බවයි පැවසෙන්නේ.
පසුගිය සතියේ ඇමරිකානු රජය හාවඞ් විශ්වවිද්‍යාලය විදේශික සිසුන් සඳහා තහනම් කරනු ලැබුවා.
හාවඞ් විශ්වවිද්‍යාලය වාමාංශික වීම ජනපති ඩොනල්ඞ් ට‍්‍රම්ප්ගේ කෝපයට හේතුවක් වී ඇති බවයි වාර්තා වන්නේ.
මෙම තීරණ ඇමරිකානු විශ්වවිද්‍යාල පද්ධතියේ මූල්‍ය ස්ථාවරත්වය කෙරෙහිද දැඩි බලපෑමක් එල්ල කර ඇති බව ද වාර්තා වෙනවා.
