කොළඹ මහ නගර සභාවේ බලය ලබා ගැනීම සඳහා විපක්ෂයේ දේශපාලන පක්ෂ අතර පැවති සාකච්ඡා වට ගණනාවකින් අනතුරුව සමගි ජන බලවේගයේ නගරාධිපති ධුර අපේක්ෂකයා මේ වන විට අනාවරණය කර තිබෙනවා.
සජබ පාර්ලිමේන්තු මන්ත්‍රී මුජිබර් රහුමාන් මහතා මාධ්‍ය කළ විමසීමකට පිළිතුරු දෙමින් කොළඹ නගරාධිපති ධුරය සඳහා සමගි ජන බලවේගය විසින් හිටපු නාගරික මන්ත්‍රීවරයකු වන රීසා සරූක් මහතා ඉදිරිපත් කරන බවයි සඳහන් කළේ.
ඊට විපක්ෂයේ සියලු පක්ෂවල එකඟතාව ලැබී ඇති බව රහුමාන් මහතා පවසනවා.
උප නගරාධිපති ධුරය සඳහා එක්සත් ජාතික පක්ෂයේ මන්ත්‍රීවරයකු නම් කිරීමට එකඟතාවය ලැබී ඇති අතර එජාප ආරංචි මාර්ගවලට අනුව උපනගරාධිපති ධුරය සඳහා කිත්සිරි රාජපක්ෂ මහතා නම් කරනු ඇති බවයි වාර්තා වන්නේ.
