බෙන්තොට ප්රාදේශීය සභාවේ පාලනය අත්පත් කර ගැනීම සඳහා විපක්ෂයේ පක්ෂ තුනක් සහ ස්වාධීන කණ්ඩායම් දෙකක් සන්ධානගත වීමට එකඟතාවය පල කර තිබෙනවා.
සමගි ජන බලවේගයේ දිස්ත්රික් සංවිධායක සහ හිටපු අමාත්ය ගයන්ත කරුණාතිලක මහතාගේ ප්රධානත්වයෙන් සඳුදා පැවති රැස්වීමකදී මෙම තීරණය ගෙන ඇති බවයි වාර්තා වන්නේ. ප්රාදේශීය සභාවේ සභාපති සහ උප සභාපති පත් කිරීම සම්බන්ධයෙන් ද කණ්ඩායම ඒකමතික එකඟතාවයකට පැමිණ ඇති බව ආරංචි මාර්ග පවසනවා.
පළාත් පාලන මැතිවරණයේදී ජාතික ජන බලවේගය ආසන 10 ක් දිනා ගත් අතර, සමගි ජන බලවේගය ආසන 5ක්, ශ්රී ලංකා පොදුජන පෙරමුණ ආසන 2ක්, පොදුජන එක්සත් පෙරමුණ ආසන 2ක් එක්සත් ජාතික පක්ෂය එක් ආසනයක් සහ ස්වාධීන කණ්ඩායම් දෙකක් ආසන 2 බැගින් ආසන දිනා ගෙන තිබුණා.
සභාවේ කිසිදු තනි පක්ෂයකට නිරපේක්ෂ බහුතරයක් නොමැති බැවින්, බහුතර සන්ධානය මත පදනම්ව දකුණු පළාත් පාලන කොමසාරිස් විසින් සභාපති සහ උප සභාපතිවරයා පත් කිරීමට නියමිතය.