දේශීය ආදායම් දෙපාර්තමේන්තුව විසින් ගොනු කරන ලද දිගුකාලීන ආදායම් බදු පැහැර හැරීමේ නඩුවක් සම්බන්ධයෙන් නිකුත් කරන ලද විවෘත වරෙන්තුවක් මත කොළඹ මධ්යම අපරාධ විමර්ශන කාර්යාංශය විසින් ව්යාපාරික කාන්තාවක් සහ හිටපු රාජ්ය අමාත්ය දුනේෂ් ගන්කන්දගේ බිරිඳ වන කුෂානි නානායක්කාර අත්අඩංගුවට ගෙන තිබෙනවා.
කොළඹ මහේස්ත්රාත් අධිකරණය හමුවේ ගොනු කරන ලද නඩුවකට අනුව වසර ගණනාවක් පුරා රුපියල් මිලියන 700 කට වඩා ආදායම් බදු ගෙවීමට අපොහොසත් වීමේ චෝදනා මතයි ඇය අත්අඩංගුවට ගෙන ඇත්තේ.
ඇය ග්රීන් ලංකා ට්රැවල්ස්, ග්රීන් සීඩ් ලංකා සහ ග්රීන් ශ්රී ලංකා ෂිපින් යන සමාගම්වල අධ්යක්ෂවරියකි. දේශීය ආදායම් දෙපාර්තමේන්තුවෙන් නැවත නැවතත් දැනුම් දී තිබියදීත් ඇය හිතාමතාම මෙම සමාගම් හරහා උපයන ලද ආදායම සඳහා බදු පැහැර හැර ඇති බවට චෝදනා එල්ල වී තිබෙනවා.
නිල දැනුම්දීම්වලට අනුකූල නොවීමෙන් පසු, දෙපාර්තමේන්තුව නීතිමය මෙම නීතිමය ක්රියාමාර්ග වෙත අවතීර්ණ වූ බව සඳහන්. පසුව කොළඹ මහේස්ත්රාත් අධිකරණය සිතාසි තුනක් නිකුත් කළද අධිකරණය ඉදිරියේ පෙනී නොසිටීම හේතුවෙන් විවෘත වරෙන්තුවක් නිකුත් කර තිබුණා.
මහේස්ත්රාත්වරයා මේ සම්බන්ධයෙන් වැඩබලන පොලිස්පති ප්රියන්ත වීරසූරිය වෙත සෘජු නියෝගයක් නිකුත් කරමින් ඇය වහාම අත්අඩංගුවට ගෙන අධිකරණයට ඉදිරිපත් කරන ලෙස උපදෙස් ලබා දී තිබෙනවා.
