14 හැවිරිදි පාසල් දැරියක් ඊයේ (28) තම මවට ‘‘කොල්ලෙක් වගේ ජීවත් වෙන්න ඕන…’’ යනුවෙන් ලිපියක් ලියා ගෙල වැළලාගෙන මියගොස් ඇති බව කඳාන පොලිසිය පවසයි.
මෙසේ මියගොස් ඇත්තේ කඳාන උතුරු බටගම පදිංචි නවවැනි වසරේ ඉගෙනුම ලබමින් සිටි පාසල් දැරියක බව පොලිසිය සඳහන් කරයි.
තම මවට ලියා ඇති ලිපියේ සඳහන් කර ඇත්තේ තමන් ගැහැනු ළමයෙකු වීම ගැන හැම මොහොතකම අධික කනගාටුවකින් පසුවන බවයි. තමන්ට ජීවත් වීමට අවශ්ය කරන්නේ පිරිමි ළමයෙකු ලෙස බවත් එහි සඳහන් කර ඇතැයි වැඩිදුර සිදුකරන ලද විමර්ශන කටයුතුවලදී අනාවරණය වූ බව පොලිසිය කියයි.
ඒ අතරම රූපවාහිනියේ මෑතකදී විකාශනය වුණ කොරියන් ටෙලි නාට්යයක එක්තරා පිරිමි නළුවෙකුට තමා බෙහෙවින් ඇලුම් කරන බවද ඇගේ ලිපියේ සඳහන්ව ඇති බව විමර්ශන කටයුතුවලදී අනාවරණය වූ බවද පොලිසිය ප්රකාශ කරයි.
