ප්රතිපත්තියක් ලෙස සමරු ඵලකවල නම දැමීමට තමන් කිසි දිනක එකඟ නොමැති නමුත් එහි තමන්ගේ නම ඇති බව දුටුවේ එය විවෘත කරන අවස්ථාවේ බව අමාත්ය නලින්ද ජයතිස්ස මහතා පවසනවා.
තමා ඒ අවස්ථාවේ රැඩිකල් තීන්දුවක් ගෙන එම සමරු ඵලකය ඉවත් කර සමාජ මාධ්ය වීරයෙක් වීමට අවස්ථාවක් තිබුණද එසේ කළේ නම් එයින් වඩාත්ම අපහසුතාවට පත්වන්නේ පාසල බව ඔහු මාධ්ය වෙත සඳහන් කරනු ලැබුවා.
අමාත්යවරයා මේ බව පැවසුවේ කැබිනට් තීරණ දැනුම් දීමේ මාධ්ය හමුවේදී නැඟූ ප්රශ්ණයකට පිළිතුරු දෙමිනි.
වාද්දුව මධ්ය මහා විද්යාල තාක්ෂණ ගොඩනැගිල්ලේ සමරු ඵලකයේ තම නම පමණක් නොව අගමැතිතුමියගේ ද නම තිබූ බව ද අමාත්යවරයා එහිදී කියා සිටියා.
ඇමතිවරයා වැඩිදුරටත් සඳහන් කළේ තමන් එම චාම් උත්සවය සඳහා ගියේ කිසිදු ආරක්ෂකයෙකු නොමැතිව සිය වාහනය පදවා ගෙන බවයි.
