මාලදිවයින ඔවුන්ගේ ගෝලීය සන්නාම තානාපතිනිය ලෙස බොලිවුඩ් නිළි කත්‍රිනා කයිෆ් නම් කර තිබෙනවා.
Visit Maldives ලෙස හැඳින්වෙන මාලදිවයිනේ අලෙවිකරණ සහ මහජන සම්බන්ධතා සංස්ථාව (MMPRC) මේ බව නිල වශයෙන් නිවේදනය කර ඇති බව සඳහන්ය. ඉදිරි සංචාරක සමයේදී ජාත්‍යන්තර සංචාරක ව්‍යාපාරය ප්‍රවර්ධනය කිරීම අරමුණු කර ගැනීම හා මාලදිවයිනේ ගිම්හාන අලෙවි ව්‍යාපෘතියට සමගාමීව මෙම තනතුර ප්‍රධානය කර ඇති බවයි වාර්තා වන්නේ.
මෙය සුඛෝපභෝගී සංචාරක ගමනාන්තයක් ලෙස එහි ගෝලීය ප්‍රතිරූපය ශක්තිමත් කිරීම සඳහා මාලදිවයිනේ අඛණ්ඩ උත්සාහයේ කොටසකි.
මාලදිවයින ඉන්දියානු සංචාරකයින් අතරද ජනප්‍රිය සංචාරක කේන්ද්‍රස්ථානයකි. බොලිවුඩ් කීර්තිමත් පුද්ගලයින්ගේ වර්ධනය වන ගෝලීය ආකර්ෂණය යොදාගනිමින් සංචාරක ක්ෂේත්‍රයට පුළුල් අවධානයක් ලබා ගැනීමට මාලදිවයින පියවර ගෙන තිබෙනවා.
ඒ සඳහා කත්‍රිනා කයිෆ්ගේ ගෝලීය ජනප්‍රියතාව විවිධ ජාත්‍යන්තර ප්‍රේක්ෂකයින් වෙත මාලදිවයින රැගෙන යාම සඳහා උපායමාර්ගයක්ලෙස භාවිත කිරීමට නියමිතය.
