ඉන්දියාවේ ගුවන් අනතුරින් දිවි අහිමි වූ ලාබාල ගුවන් සේවිකාවන් දෙදෙනා

ලෝකයම කම්පාවට පත් කරමින් බ්‍රහස්පතින්දා ඉන්දියාවේ ගුජරාට් ප්‍රාන්තයේ අහලාම්බාද් ගුවන් අනතුරින් ජීවිතක්ෂයට පත් වූ අය අතර එහි කාර්ය මණ්ඩලයේ ලබාල ගුවන් සේවිකාවන් දෙදෙනෙකු පිළිබඳ තොරතුරු ඉන්දීය මාධ්‍ය වාර්තා කර තිබෙනවා.

ඔවුන් දෙදෙනාම ඉන්දියා එයාර් ගුවන් සේවයට එක් වන්නේ ඉන්දියාවේ සෙසු ප්‍රදේශවලින් හුදෙකලා වූ පළාතක් ලෙස සැලකෙන මනිපූර් ප්‍රදේශයෙනි. නගන්තෝයි ෂර්මා කොංබ්‍රයිලත්පම් (Nganthoi Sharma Kongbrailatpam) සහ ලැම්නුන්තෙම් සිංසන් (Lamnunthem Singson) අනතුරට පැය කිහිපයකට පෙර අවම පවුලේ එක් සාමාජිකයකු සමඟ සම්බන්ධ වෙමින් ඔවුන් රාජකාරී සඳහා පිටත්ව යන බව සඳහන් කර තිබෙනවා.

වයස අවුරුදු 21ක් වන නගන්තෝයි ප්‍රාන්ත අගනුවර වන ඉම්ෆාල් හි ඩීඑම් වාණිජ විද්‍යාලයේ ඉගෙනුම ලැබූ අතර විශ්වවිද්‍යාලයේ පළමු අධ්‍යයන වාරයේ විභාගවලට පෙනී සිටින අතරතුර සිය යෙහෙළියන් කිහිප දෙනෙකු සමඟ ඉන්දියා ගුවන් සේවයේ සම්මුඛ පරීක්ෂණ සඳහා සහභාගී වීමෙන් පසු එම ගුවන් සේවයට තෝරාගත් අයෙකි.

ඇය ගැහැණු ළමයින් තිදෙනෙකුගෙන් යුත් පවුලක දෙවැන්නා වූ අතර ඇගේ ඇමතුම පෙ.ව. 11:30 ට පමණ ලැබී තිබුණේ ඇගේ සහෝදරියටයි. මෙය ඇගේ පවුලට ඇගෙන් ලැබුණු අවසාන ඇමතුමද වෙනවා. නගන්තෝයි ලන්ඩන් සංචරයෙන් පසු නැවත පැමිණීමට නියමිතව තිබුණේ ජුනි 15 වැනිදාය.

එමෙන්ම අනතුරෙන් දිවි අහිමි වූ අනෙක් මනිපූර් තරුණිය ලැම්නුන්තෙම් සිංසන්ගේ පවුල ඉම්ෆාල්හි පැරණි ලැම්බුලේන් හි ජීවත් වූ නමුත් 2023 දී ජනවාර්ගික ගැටුම් හේතුවෙන් එම ප්‍රදේශය අතහැර ගිය අය බවයි සඳහන් වන්නේ. ඔවුන් කන්ග්පොක්පි දිස්ත්‍රික්කයේ අභ්‍යන්තර අවතැන් වූවන් ලෙස ජීවත් වූවන්. ඇගේ මව ඇගේ සැමියා මිය යාමෙන් පසු දරුවන් තනිව හදාගත් බව ඉන්දීය මාධ්‍ය වාර්තා කරනවා. ලැම්නුන්තෙම් ඇගේ එකම දියණිය බව එම වාර්තාවල සඳහන්ය.

ලැම්නුන්තම් ඇගේ මව වන නෙම්නයිල්හිං සිංසන්ට ඇගේ අවසන් ඇමතුමේදී ඇය රාජකාරි සඳහා අහමදාබාද් වෙත යන බව පවසා තිබුණා.

බ්‍රහස්පතින්දා දහවල් පුද්ගලයින් 242 දෙනෙකු සමඟ එයාර් ඉන්දියා බෝයිං 787-8 ඩ්‍රීම්ලයිනර් යානය අනතුරට වීම හේතුවෙන් යානයේ ගමන් ගත් එක් මගියෙකු හැර සෙසු සියලුම දෙනා ජීවිතක්ෂයට පත් වුණා. මිය ගියා 241 දෙනා අතර කාර්යමණ්ඩල සාමාජිකයන් 12 දෙනෙකු ඇතුළත්ය. ගුවන්යානය කඩා වැටීමෙන් වෛද්‍ය විද්‍යාල නේවාසිකාගාරයක සිසුන් කිහිප දෙනෙකු ද ජීවිතක්ෂයට පත් වුණු බවයි වාර්තා වුණේ.

Latest News

More like this

සුජීව සේනසිංහ V8 එක ගැන පරීක්ෂණවලදී ප්‍රකාශයක් ලබාදීම හයවතාවක් මඟ ඇරලා

නීති විරෝධීව එක්ලස් කළා යයි චෝදනා එල්ල වී ඇති...

25 හැවිරිදි තරුණියකගේ ගෙල කපා සිදු කළ මහා අපරාධය..

මැණික් ඔපදමන්නියක ලෙස පෞද්ගලික ආයතනයක සේවය කළ විසිපස් හැවිරිදි...

ශ්‍රී ලංකා පොලිස් ෆේස්බුක් පිටුවෙන් බ්ලොක් කිරීමට එරෙහිව මානව හිමිකම් ගිය තරුණයා

ශ්‍රී ලංකා පොලිසියේ නිල ෆේස්බුක් පිටුවෙන් තම ෆේස්බුක් ගිණුම...

පැය 48කදී ඊශ්‍රායලය ගාසා තීරයේ 300ක් ඝාතනය කරයි

පසුගිය පැය 48 තුළ ඊශ්‍රායල හමුදා විසින් පලස්තීන ජාතිකයින්...
error: Content is protected !!