ජ්‍යාත්‍යන්තර මූල්‍ය අරමුදලේ රූකඩ නොවන බව පැවසූ වත්මන් රජය මේ වන විට රට පාලනය කරන්නේ ඊට අනුව බවත් එසේ නොකරන කොන්ද පණ ඇති ආණ්ඩුවක් රටට අවශ්‍ය බව විපක්ෂ නායක සජිත් ප්‍රේමදාස මහතා පවසනවා.
ජාත්‍යන්තර ආයතන කියන කියන පදයට නටන රූකඩ ආණ්ඩු තුළින් ගොවියාගේ, කර්මාන්තකරුවාගේ, තරුණ තරුණියන්ගේ හා ජනතාවගේ ගැටලු විසඳෙන්නේ නැති බව ඔහු පවසා තිබෙනවා.
‘සූරයෝ’ සහ ‘ජගතෝ’ යැයි කියූ වත්මන් රජයේ මැති ඇමැතිවරු IMF පදේට නටන්නේ නැති බව පැවැසුවත් අන්තිමේ IMF පදේට ම නටමින් රට තවත් ආර්ථික මර උගුලක් කරා ගෙන යන බවයි විපක්ෂ නායකවරයා සඳහන් කරන්නේ.
ඒ අනුව මේ ආණ්ඩුව බොරුවෙන්, විජ්ජාවෙන් සහ මුළාවෙන් රට ගෙනියන බවට විපක්ෂ නායකවරයා චෝදනා කරනවා.
ලබන 2028 වන විට නැවත වරක් විදේශ ණය ගෙවීමට සිදුවන බවත් ඒ සඳහා සියයට 5ක ආර්ථික වර්ධනයක් තබාගත යුතු වුවත් මේ වසරේ සියයට 3.5ක් සහ ලබන වසරේ එය සියයට 3.1ක් ලෙස පුරෝකථනය කර ඇති බව ද ඔහු පවසනවා.
ඒ අනුව, IMF ගිවිසුමේ වෙනසක් අවශ්‍ය බවත් විදේශ ණය ගෙවන වසර වෙනස් කර ගත යුතු බවත් එය 2033 කළ යුතු බවත් විපක්ෂ නායක අවධාරණය කර තිබෙනවා.
