මේ දිනවල මුළු ඉන්දියාවම කතා කරන්නේ ෂෝරා ගැනය. ඇය බොලිවුඩයේ දක්ෂ රංගන ශිල්පිනියකු වන නවාසුදීන් සිද්දකීගේ දියණියයි.
ඉන්දීය මාධ්‍යවර්තා කරන ආකාරයට සිද්දකීගේ දියණිය බොලිවුඩයට හඳුන්වා දීමේ සූදානමක් පවතී.
මෑතකදී ඔහු දියණියගේ රංගන පුහුණු වීඩියෝවක් ඉන්ස්ටග්‍රෑම් වෙත යොමු කළ අතර බොහෝ දෙනෙක් ෂෝරාගේ අසාමාන්‍ය රංගන හැකියාව දැක මවිත වී තිබුණා.
විශේෂයෙන් දක්ෂතා නොදක්වන තරු දරුවන් ගැන කතාබහක් මතුව තිබෙන අවධියක ඇයගේ ස්වභාවික රංගන කෞෂල්‍ය බොලිවුඩයේ අනාගතයට බෙහෙවින් වැඩදායක වනු ඇති බවට මත පළ වෙමින් තිබෙනවා.
ෂෝරා එම පුහුණු වීඩියෝවේ දෙබස් ඉංග්‍රීසි භාෂාවෙන් උච්චාරණය කරනු ලැබූ අතර ඇයගේ මුහුණේ අභිනයන් ඉතාම අලංකාර බව දැකගත හැකි වුණා. බොහෝ දෙනෙකු ඇය පිළිබඳ මත පළ කරමින් ඇය මතු අනාගතයේ බොලිවුඩයේ ආධිපත්‍ය දරනු ඇති බව පවසා තිබෙනවා.
ඇය ඊළඟ රධිකා ආප්තේ බව ඒ අතර පළව තිබු තවත් එක් මතයකි.
