හිටපු කොටි සමාජිකයින්ගේ සුබසාධනය වෙනුවෙන් වව්නියාවේ කාර්යාලයක්..

පුනරුත්තාපනය වූ හිටපු එල්.ටී.ටී.ඊ සාමාජිකයින් හා මහවිරුවන් වෙනුවෙන් සුභ සාධක සංගම් කාර්යාලය නමැති කාර්යාලයක් වවුනියාව තෝණිකල් ප්‍රදේශයේදී 09 වනදා විවෘත කොට තිබෙනවා.

පුනරුත්තාපනය කරන ලද හිටපු එල්.ටී.ටී.ඊ සාමාජිකයින්ගේ ඉදිරි සාමාන්‍ය ජනජීවිතය හා ඔවුන් සම්බන්ධීකරණය වෙනුවෙන් අදාළ කාර්යාලය විවෘත කළ බව පුනරුත්තාපනය ලැබු හිටපු එල්.ටී.ටී.ඊ සාමාජිකයින් පැවසූවා.

මෙම කාර්යාලය විවෘත කරන අවස්ථාවේදී පැවති විශේෂත්වය වූවේ සුභසාධන කාර්යාලය විවෘත කිරීමෙන් අනතුරුව එල්.ටී.ටී.ඊ සංවිධානයේ න්‍යායාචාර්ය මෙන්ම ජාත්‍යන්තර සබඳතා පිළිබඳ නායකයෙකු ලෙසින් කටයුතු කල ඇන්ටන් බාලසිංහම්, එම සංවිධානයේ දේශපාලන අංශ නායක තමිල් සෙල්වම් සහ එම සංවිධානයේම නායකයෙකුව සිට මාරාන්තික සත්‍යග්‍රහයකදී  මියගිය පළමු සාමාජිකයා ලෙස සැළකෙන තිලීපන් ඇතුළු පිරිසගේ ජායාරූප වෙත මල්මාලා පැළදවීමද සිදු කෙරුණා.

නව කාර්යාලය විවෘත කිරීමේ අවස්ථාවට ටෙලෝ පක්ෂ නායක පාර්ලිමේන්තු මන්ත්‍රී සෙල්වම් අඩෙක්කලනාදන් මහතා, හිටපු පාර්ලිමේන්තු මන්ත්‍රී එස්.කිෂෝර් මහතා, පුනරුත්තාපනය ලැබු හිටපු එල් ටි ටි සාමජිකයින් පිරිසක්ද එක්ව සිටියා.

Latest News

More like this

අගෝස්තු 02වැනිදා ෂාරුක් ඛාන් කොළඹ සිහින නගරයට පැමිණීම තහවුරු කරයි

“බොලිවුඩයේ කින්ග් ඛාන්”ලෙස ජනප්‍රිය ෂාරුක් ඛාන් 2025 අගෝස්තු 2...

පරිපාලනයක් නැතිව ජාතික රෝහල ලෙඩ වෙයි.. හදවත් රෝගීන්‍ට ලක්ෂයක බේත් පිටින් ගේන්න කියයි

කොළඹ ජාතික රෝහලේ සැත්කම් නියම කරනු ලබන හෘද රෝගීන්ට...

මුහම්ම්ද් නබිතුමන්ට කාටුනයකින් අපහාස කළ තුර්කියේ මාධ්‍යවේදීන් සිව් දෙනෙක් අත්අඩංගුවට

මාධ්‍ය මර්දනය සම්බන්ධයෙන් කලු පැල්ලම් සහිත ඉතිහාසයක් ඇති තුර්කිය...
error: Content is protected !!