පසුගියදා පැවැති මිස් ඉන්ටිකොන්ටිනල්ටන් තරගාවලියේදී ලබා දුන් විනිශ්චයන් මේ වන විට දැඩි විවේචනයන්ට ලක් වෙමින් තිබේ.
මිස් වර්ලඩ් තරගාවලිය නියෝජනය කිරීමට ශ්‍රී ලංකාවෙන් රූප රාජිනියන් තෝරා ගැනීමේ පූර්ව තරගය ලෙස පැවැත්වෙන මිස් ඉන්ටිකොන්ටිනල්ටන් තරගයේ ජයග්‍රාහී රූ රැජින වන ප්‍රතිභා ලියනාරච්චි, නියමිත වයස් සීමාව ඉක්මවා ඇතැයිද, දෙවැනි ස්ථානය දිනාගත් ලානා රශින් සිල්වා, ශ්‍රී ලංකාවේ පුරවැසියකු නොවන බවටද චෝදනා එල්ල වේ.
එමෙන්ම තරගයට සහභාගී වූ එක් තරුණියක වයස අවුරුදු 30 ඉක්මවා ඇති බවද පැවසේ.
ලෝක රූ රැජින තරගාවලිය නියෝජනය කරන සෑම තරගකාරියකම වයස අවුරුදු 28 නොඉක්මවිය යුතු යැයි සේම අදාල රටේ පුරවැසියන් විය යුතු යැයි නිර්ණායකයක් තිබියදී ශ්‍රී ලංකාවේ තරග සංවිධායකයින් මුදලට හෝ වෙනත් වරදානයන්ට යටත් වී ජාත්‍යන්තර තරග නීති හා කොන්දේසි කඩ කිරීම නිසා ශ්‍රී ලංකාව ජාත්‍යන්තරට ඉදිරියේ හෑල්ලුවට පත් වන බවටද චෝදනාවක් එල්ල වේ.
අදාල තරගාවලියේදී සිදි වූ අක්‍රමිකතා හා අසාධාරණයන් පිළිබඳ ලෝක රූ රැජින තරග සංවිධායකයින් දැනුවත් කිරීමට ලියූ ලිපියක් පහත දැක් වේ.
